Бу сылга Саха Сирэ 31 муниципальнай тэриллиитин 67 уопсастыбаннай миэстэлэрин куоластааһыҥҥа таһаарбыта – бу болуоссаттар, кытыллар, сынньалаҥ сирдэр, сквердэр, бааркалар уонна аллеялар.
14 саастарыттан саҕалаан хас биирдии баҕалаах киһи кыттыан сөп. Куоластааһын түмүгүнэн суолталаах уопсастыбаннай миэстэлэр «Куорат тупсаҕай эйгэтин тэрийии» федеральнай бырагырааманан уонна «Олорор дьиэ уонна куорат эйгэтэ» национальнай тосхолунан хабыллар испииһэккэ киириэхтэрэ. Куоластааччы биир сири тупсарыыны талыан эбэтэр эрдэ талыллыбыт уопсастыбаннай миэстэ дизайн-бырайыагар куолаһын биэриэн сөп.
Өрөспүүбүлүкэ олохтоохторун олорор сиргитин тупсарыыга туһуланар онлайн-куоластааһыҥҥа көхтөөхтүк кыттыҥ диэн ыҥырабыт.
-
0
-
0
-
0
-
0
-
0
-
0
