Ил Дархан Айсен Николаев урут бэлиэтээн эппитинэн, хаачыстыбалаах дьиэни тутууну сэргэ олохтоохторго кэрэ көстүүлээх, табыгастаах эйгэни оҥорор тоҕоостоох. Онон өрөспүүбүлүкэ дьиэни тутууну сэргэ тулалыыр эйгэни тупсарыыга биир кэлим сыһыаны олохтуурга кыһаллар. Маннык бириэмийэлэр архитектураҕа аныгы көрүүнү, комфорту уонна эргономичноһы киллэрэр бастыҥ бырайыактары быһаарыахтара.
Быйыл бириэмийэ хас биирдии номинациятыгар сайаапкалары Горнай, Үөһээ Бүлүү, Мэҥэ Хаҥалас уонна Ньурба улуустара биэрдилэр. Санатан эттэххэ, Горнай улууһа «ЭЙГЭ-2022» бириэмийэ гран-притын ылбыта.
Бириэмийэ бары номинацияларыгар көхтөөх кыттыы өрөспүүбүлүкэҕэ кэлим үлэ тохтообокко ыытылларын, хаачыстыбалаах эбийиэктэр тутуллалларын уонна олохтоохторго табыгастаах эйгэ тэриллэрин туоһулуур.
Шорт-лиис атырдьах ыйын 10 күнүгэр, Тутааччы күнүгэр буолар «Стройфест-2024» тутуу тэрилтэлэрин бастакы бэстибээлин былаһааккатыгар буолуоҕа. Бу күн Саха Сиригэр бастыҥнар ааттарын иһин салгыы киирсэр, сүүмэрдээһини ааспыт 10 бырайыак биллиэҕэ.
Мария Васильева, ЯСИА хаартыската
-
0
-
0
-
0
-
0
-
0
-
0
