Издательский дом Редакция Подписка
Погода в Якутске: . 17 oC

Саха Өрөспүүбүлүкэтин култууратын туйгуна, “Кустук” оҕо образцовай дыраама тыйаатырын тэрийээччи Мотрена Вырдылина сырдык аатыгар VIII өрөспүүбүлүкэтээҕи бэстибээл өрөспүүбүлүкэҕэ Оҕо саас, култуура эйгэтигэр оҕо тыйаатырын, Таатта улууһугар оҕо тыйаатырын хамсааһынын 50 сылыгар ананан тэрилиннэ.

Саха Өрөспүүбүлүкэтин култууратын туйгуна, “Кустук” оҕо образцовай дыраама тыйаатырын тэрийээччи Мотрена Вырдылина сырдык аатыгар VIII өрөспүүбүлүкэтээҕи бэстибээл өрөспүүбүлүкэҕэ Оҕо саас, култуура эйгэтигэр оҕо тыйаатырын, Таатта улууһугар оҕо тыйаатырын хамсааһынын 50 сылыгар ананан тэрилиннэ.

Мотрена Вырдылина күн курдук сыдьаайар мичээрдээх, тоҕус оҕо тапталлаах ийэтэ, кэргэнэ, олоҕун култуура, тыйаатыр угуйар дьикти эйгэтигэр анаабыта. Талааннаах режиссер оҕону тыйаатыр эйгэтигэр сыһыаран, ийэ тылы таптыырга, баһылыырга болҕомтотун уурбута. Уус-уран тылга куустаран оҕо-ыччат үчүгэйгэ талаһыыта, кэрэни-үтүөнү оҥорууга кынат буоларыгар дьулуспута. Кини иитиллээччилэрэ үрдэлтэн үрдэлгэ дабайан, Владивосток куорат сыанатыгар Гран-При хаһаайына буоланнар, дойду араас муннуктарыттан мустубут кыттааччылары, салайааччылары сөхтөрөн тураллар. Олоҕун аргыһынаан Гаврил Вырдылинныын өрөспүүбүлүкэ бастакы Бэрэсидьиэнэ Михаил Николаев оҕо сааһын көрдөрөр «Хотугу хотой оҕо сааһа» диэн испиэктээх сценарийын оҥорбуттара. Ийэлэрэ кэриэс-хомуруос курдук хаалларбыт айымньытын оҕолоро тыыннаан, дьон көрүүтүгэр таһаарбыттара улаханы этэр.

Мотрена Николаевна саха оҕото ийэ тыл күүһүнэн тыйаатыр сыанатыгар бэйэтин талбыт оруолугар кыаҕы биэрэн оонньууругар суол аспыт режиссер буолар. Талааннаах режиссер аата, үлэтэ күн бүгүн тыыннаах уонна инникилээх. Ону ахсыс төгүлүн ыытыллар бэстибээл бигэргэтэр.

оҕо_-1.jpeg

Бэстибээлгэ 230 оҕо алта улуустан дьоҕурдарын, сатабылларын көрдөрө, көрөөччү дьүүлүгэр таһаара мустан, улахан сэргэхситиини үөскэттилэр. Дьүүллүүр сүбэҕэ Мотрена Николаевна үөрэнээччитэ, туйах хатарааччыта, өрөспүүбүлүкэ култууратын туйгуна, Былатыан Ойуунускай аатынан Саха академическай тыйаатырын артыыһа, режиссер, продюсер Роман Дорофеев, бөлөсүөпүйэ билимин хандьыдаата, Былатыан Ойуунускай, Күлүмнүүр ааттарынан Судаарыстыбаннай бириэмийэ лауреата Евдокия Избекова, Былатыан Ойуунускай аатынан Таатта норуодунай тыйаатырын режиссера Валентина Бурнашева, өрөспүүбүлүкэтээҕи ресурснай киин креативнай сайдыыга мэтэдииһэ, «Юные якутяне» эрэгийиэннээҕи оскуола тыйаатырдарын сүрүннээччи Павел Сивцев уонна Мотрена Николаевна кыыһа,  Ил Түмэн референэ Анна Павлова үлэлээтилэр.

оҕо_-_2.jpeg

Түмүккэ «Кэскиллээх бөлөх» анал аат Харбалаахтааҕы уопсай үөрэхтээһин холбоһугун IV кылааһын үөрэнээччилэригэр, «Бастыҥ кыыс оҕо оруола» анал аат Полина Мошковаҕа («Овация» тыйаатыр устуудьуйа, Томпо улууһа, Хаандыга), и «Бастыҥ уол оҕо оруола» анал аат Коля Яковлевка («Айар Кут» устуудьуйа, Мэҥэ Хаҥалас улууһа, Төхтүр), «Бастыҥ көстүүм» аат «Феникс +» тыйаатыр устуудьуйа (Мэҥэ Хаҥалас улууһа, Аллараа Бэстээх) ананнылар.

оҕо_-3.jpeg

III үктэли -- «Сүүрээн» бөлөх (Таатта улууһа, Чычымах), II үктэли «Төлөн» бөлөх (Амма улууһа, Бөтүҥ), I үктэли – «Овация» (Томпо улууһа, Хаандыга), III үрдэли -- «Этюд» устуудьуйа (Өймөкөөн улууһа Томтор с.), II үрдэли -- «Айар Кут» (Мэҥэ Хаҥалас, Төхтүр), I үрдэли -- «Росток» бөлөх (Томпо, Кэскил), «Көрөөччү биһирэбилин» -- «Феникс +» устуудьуйа (Мэҥэ Хаҥалас, Аллараа Бэстээх), «Кылаан чыпчаалы» -- «Дебют» бөлөх (Горнай, Бэрдьигэстээх) ыллылар.

2_место.jpeg

«Бастыҥ салайааччы» аат Мария Стручковаҕа (Томпо, Кэскил) иҥэрилиннэ. Сулустаах ааттар элбэх үлэттээн кэлбиттэрин хас биирдии кыттааччы бэлэх курдук ылынан, инникитин угуйар-ыҥырар сыанаҕа өссө эрэллээхтик тахсалларыгар кынаттыаҕа.

3_место.jpeg

Бу курдук, Мотрена Николаевна Вырдылина оҕо тыйаатырыгар анаабыт айар үлэтэ саҥаттан саҥа ааттары буларга, таһаарарга күүс-күдэх, эрчим биэрэ, кэрэ түгэннэри бэлэхтии туруоҕа.

  • 10
  • 0
  • 0
  • 0
  • 1
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением