-- Иһиккэ муус хамсааһына ыам ыйын 13 күнүгэр саҕаламмыта. Бүгүн сарсыарда Кытыл Дьураа аннынан муус хойуу, Сиинэнэн – орто. Покровскай-Дьокуускай эргин көмүөл ыам ыйын 14-18, Нам улууһугар ыам ыйын 18-20 күннэригэр кэтэһиллэр, – диэн вице-премьер Дмитрий Садовников брифиҥҥэ иһитиннэрдэ.
Алдан өрүскэ муус алын кырыыта Уус Алдан улууһугар кэлбит, Батамай аннынан муус хамсааһына ыам ыйын 15 күнүгэр хамсыыра кэтэһиллэр. Бүлүү өрүскэ муус Ньурба улууһунан устар, куорат аннынан муус орто. Үөһээ Бүлүү – Бүлүү эҥээринэн, уу таһыма биир суукка устатыгар 1,1-1,9 миэтэрэнэн үрдээбит. Бүлүү куорат аннынан муус бу күннэргэ хамсыаҕа. Бу туһунан Ил Дархан уонна Бырабыыталыстыба пресс-сулууспата иһитиннэрэр.
-
0
-
0
-
0
-
0
-
0
-
0
