Издательский дом Редакция Подписка
Погода в Якутске: . 25 oC

Бу күннэргэ Ил Дархан Айсен Николаев «Азия оҕолоро» успуорт оонньууларын эбийиэктэрин тутууларын  хонтуруоллаата. Кини Дьокуускай куорат икки эбийиэгэр:  «Туймаада» стадион хапытаалынай өрөмүөнүн хаамыытын уонна Хомсомуол болуоссатын саҥардыы үлэтин кытта билистэ. «Тутуу, өрөмүөн кыраапык быһыытынан барар, хаалыы суох. Бэс ыйын 1 күнүгэр диэри үлэ түмүктэниэхтээх. Саҥардыы маннык үлэтэ үчүгэй хаачыстыбалаахтык ыытыллыахтаах, оонньуулар  үрдүк таһымҥа баралларын  уонна  спортсменнарга, көрөөччүлэргэ да табыгастаах усулуобуйаны хааччыйыахтаах», — диэн бэлиэтээтэ.

Бу күннэргэ Ил Дархан Айсен Николаев «Азия оҕолоро» успуорт оонньууларын эбийиэктэрин тутууларын  хонтуруоллаата. Кини Дьокуускай куорат икки эбийиэгэр:  «Туймаада» стадион хапытаалынай өрөмүөнүн хаамыытын уонна Хомсомуол болуоссатын саҥардыы үлэтин кытта билистэ. «Тутуу, өрөмүөн кыраапык быһыытынан барар, хаалыы суох. Бэс ыйын 1 күнүгэр диэри үлэ түмүктэниэхтээх. Саҥардыы маннык үлэтэ үчүгэй хаачыстыбалаахтык ыытыллыахтаах, оонньуулар  үрдүк таһымҥа баралларын  уонна  спортсменнарга, көрөөччүлэргэ да табыгастаах усулуобуйаны хааччыйыахтаах», — диэн бэлиэтээтэ.

Ити күн өрөспүүбүлүкэ салайааччыта ону кытта Дьокуускай куораты тупсаран оҥоруу бырагырааматынан  Дзержинскэй уул, 8/1, Бестужев-Марлинскай уул. турар эргэ дьиэлэр көтүрүллүбүт сирдэригэр саҥа тутуулар бырайыактарын кытта сиһилии билистэ.

***

Бэс ыйын 1 күнүттэн саҕалаан Дьокуускайга  «Азия Оҕолоро» VIII оонньуулар чэрчилэринэн култуура тэрээһиннэрэ саҕаланыахтара.  Бу күнтэн ыла от ыйын 6 күнүгэр диэри 50-тан тахса култуура тэрээһиннэрэ быыстала суох, ыытыллыахтара. «Азия Оҕолоро» култуураҕа  бырагырааматын тэрийэр кэмитиэт бигэргэттэ. Ол курдук, өрөспүүбүлүкэ 22 оройуонуттан үс тыһыынчаттан тахса киһи кыттыыны ылыаҕа – оҕолор, ыччаттар, артыыстар, айар кэлэктииптэр. Тэрээһиннэр бэс ыйын 1 күнүттэн «Арассыыйа – Мин устуоруйам» устуоруйа пааркатыгар «Идиэйэттэн саҕалаан «Азия Оҕолоро» оонньууларын устуоруйатыгар» диэн быыстапкаттан саҕаланыахтара. Оонньуу кэмигэр СӨ Национальнай художественнай түмэлэ Санкт-Петербурдааҕы Судаарыстыбаннай Нуучча түмэлин кытары «Айвазовскай уонна нуучча улуу маринистара» диэн быыстапка туруоруллара былааннанар.

Хомсомуол болуоссатыгар оонньуу кыайыылаахтарын чиэстээһин, сибэккини туттарыы сиэрэ-туома ыытыллыаҕа, ону тэҥэ кэнсиэртэр, араас быыстапкалар былааннаналлар. Орджоникидзе болуоссатыгар оҕо кэлэктииптэрэ кэнсиэртиэхтэрэ, норуот маастардарын быыстапкалара, ону кытта, аан дойдутааҕы «Кинигэ тыала» быыстапка  уонна «Дьокуускай ыалдьыттары көрсөр» бырагыраама ыытыллыахтара. Маны таһынан, Опера уонна балет тыйаатырын иннигэр, Доҕордоһуу болуоссатыгар кэнсиэртэр буолуохтара.

«Азия Оҕолоро» VIII оонньуулар үөрүүлээх аһыллыыта бэс ыйын 26 күнүгэр Н.Н. Тарскай аатынан «Туймаада» стадионугар ыытыллыаҕа. 3  чаастаах бырагыраамаҕа: дэлэгээссийэлэр уонна кыттар дойдулар былаахтарын параада, ырыа-үҥкүү, итиэннэ, биллиилээх артыыстар толоруулара. «Аартыка куйаарыгар айан» диэн тиэмэ Оонньуулар үөрүүлээх  аһыллыыларын сүрүн тиэмэтинэн буолуо.

***

“Азия оҕолоро” VIII успуорт оонньууларын уота ыам ыйын 15 күнүгэр Муома улууһугар тиийдэ. Факеллаах уоту хотугу улуус успуорка ситиһиилээх оҕолоро, ыччаттара, успуорт сайдыытыгар улахан кылааттарын киллэрбит бэтэрээннэр тутан улуус киинин уулуссаларынан сүүрдүлэр.

Оонньуулар  уоттара бу иннинэ Хаҥалас, Куорунай, Бүлүү бөлөх, Мииринэй, Ленскэй, Анаабыр, Өлөөн, Булуҥ, Эдьигээн, Усуйаана, Аллайыаха, Халыма бөлөх,  Өлүөхүмэ, Дьааҥы, Абый улуустарыгар сырытта уонна салгыы айанныыр.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением