Дьокутаат, ыам ыйын 23 күнүгэр соцситимигэр иһитиннэрбитинэн, туһааннаах суругу вице-премьер Татьяна Голиковаҕа ыыппыт.
Лантратова маннык көрдөһүү төрөппүттэртэн хаста да киирбитин тоһоҕолоон бэлиэтээтэ. «Санаторий, куруорт сынньалаҥар наадыйыы улаатан иһэр, ону тэҥэ путевка сыаната үрдүүр. Ордук ыам ыйыгар эбэтэр сайынын сынньалаҥ сыаната ыарыыр», - диэн быһаарда парламентарий.
Сорох төрөппүттэр итинник ороскуоту кыайан уйунар кыахтара суох, ол иһин оҕолорун сынньалаҥҥа ыыппаттар. Онтон лааҕырга сынньалаҥ оҕо доруобуйатын биллэ тупсарыан сөп, бу ордук мөлтөх доруобуйалаах оҕоҕо туһааннаах. Манан сибээстээн, Лантратова бырабыыталыстыбаттан оҕо сынньалаҥыгар ийэ хапытаалын туһаныы хайысхаларын көрөрүгэр көрдөһөр.
-
0
-
0
-
0
-
0
-
0
-
0
