Бэс ыйын 10 күнүгэр парламент истиилэригэр Госдуума туризмҥа сис кэмитиэтин бэрэссэдээтэлин солбуйааччы Сергей Кривоносов иһитиннэрбитинэн, көҕүлээһин бэйэлэрэ тэринэн айанныыр туристары тас дойдулар сиэрбистэрин туһанартан көмүскүүргэ туһаайыллар. Бу туһунан ТАСС иһитиннэриитигэр сигэнэн «Парламентская газета» суруйар.
Парламентарий этэринэн, хас иккис Арассыыйа туриһа бэйэтэ тэринэн айанныыр уонна айанын хайысхатын оҥосторугар ускуустубаннай өйү туһанар. Онон тутулуга суох айанньыттар бырааптарын сокуонунан бигэргэтэр, итиэннэ эрэгийиэн туристическай бородуукталарын туһунан иһитиннэрии ханна баар буолуохтааҕын ыйар уолдьаспыт. Бу айанньыттар интэриэстэрин, тугу ордороллорун, айан сыанатын учуоттуурга көмөлөһүөҕэ.
Дьокутаат бэлиэтээбитинэн, билигин Арассыыйаҕа туризм эйгэтигэр туһаныллар ускуустубаннай өй, ол иһигэр чат-боттар, виртуальнай көмөлөһөөччүлэр тас дойдулар сиэрбистэригэр тирэнэн үлэлиир. Бу кэккэ ыарахаттары үөскэтэр. Чуолаан, тус дааннайдары көмүскээһин туһунан сокуон кэһиллэр. Тоҕо диэтэххэ, Арассыыйа кыраасданын туһунан иһитиннэрии кыраныысса таһыгар бэриллэр. Ону таһынан, Арассыыйа локацияларын туһунан дааннайдарга бутуур тахсыан сөп.
Иһитиннэрии уонна хаартыска ПГ: https://www.pnp.ru/social/v-gosdume-predlozhili-zakonodatelno-zakrepit-ponyatie-samoputeshestvennik.html
-
0
-
1
-
0
-
0
-
0
-
0
