Ону өйөөннөр, амарах санаалаах дьон мустан, «Харысхал» диэн түмсүү тэриннилэр. Нэһилиэнньэттэн харчы хомуйан, хантан сатанарынан матырыйаал сакаастаан, Бартыһаан балаҕаныгар күннэтэ хаххалыыр, көмүскүүр сиэккэлэри оҥороллор.
Сиэккэ тиирэр икки араас кээмэйдээх: улахан уонна кыра станоктары Михаил Кокарев уонна кулууп уолаттара оҥордулар. Дьоннор баҕа өттүлэринэн илим спонсордаатылар. Мирнэйтэн, «Мы вместе» түмсүүттэн биир дойдулаахпыт Саргылаана Николаева кэлэн үөрэтэ, көмөлөһө сылдьар. Кини соҕотох уола быйыл саас анал байыаннай дьайыыга барбыт эбит.
Матырыйаал бүппүт кэмигэр нейрографика көмөтүнэн уолаттарга үтүө санаабытын түмэн харысхал оҥордубут. Ону хайдах оҥорор туһунан психолог идэлээх Татьяна Антипина маастар-кылаас ыытан сүбэлээтэ. «Ыра ырааппат, төлкө төннүбэт», – диэн саха бэргэн этиитэ манна сөп түбэһэр эбит.
Бастаан сиэккэлэри таҥарга, баайарга куоракка «Шелкопряды Якутии» түмсүүгэ үлэлээбит Антонина Степанова үөрэппитэ. Бэйэлэрэ нэһилиэктэригэр сиэккэ баайаары Уһун Күөлтэн киирэн үөрэнэн бардылар.
Манна араас көлүөнэ дьон бары кэлэн үлэлииллэр. Бастакы күннэртэн үлэлии-хамсыы сылдьар Светлана Ващенконы, Светлана Федотованы, Нина Краскованы, Мария Григорьеваны, сиэнинээн кэлэр Людмила Алексееваны уонна оскуолаҕа үөрэнэр кыргыттары улахан махталынан бэлиэтиибин.
Тэриллибитэ аҕыйах хоммут түмсүүгэ билиҥҥи туругунан аҕыс харыстыыр, хаххалыыр сиэккэ өрүлүннэ. Онтон иккитин уолаттар илдьэ бардылар. Кинилэр Кыайыы кынаттанан этэҥҥэ эргиллэн кэллиннэр!!!
-
5
-
1
-
0
-
0
-
0
-
0
