Грант кыайыылаахтарын кэккэлэригэр Мэҥэ Хаҥалас улууһуттан Егор Филиппов баар. Кини бааһынай хаһаайыстыбатын баазатыгар «Саха сылгытын» пиэрмэтин тэрийэн, туристарга Саха Сирин айылҕатын, саха сылгытын уратыларын көрдөрөр бырайыагы оҥорбут. Онон, хаһаайыстыбатын кэҥэтэр, туристары олордор дьиэ, баанньык тутар, сааскы-күһүҥҥү хаайтарыыга иҥнибэт тиэхиньикэни, туристарга аналлаах тэриллэри атыылаһар былааннаах.
Егор Филиппов быраатын кытары сылгы иитэр бааһынай хаһаайыстыбатын 2014 с. тэриммитэ. Ити сыл «Саҥа саҕалыыр бааһынай хаһаайыстыба» федеральнай бырагыраама гранын, 2018 с. сылгы баазатын тутуутун субсидиятын, 2019 с. «Бааһынай хаһаайыстыба баазатыгар дьиэ кэргэн пиэрмэтэ» федеральнай бырагыраама гранын ылан, сылгы уонна тиэхиньикэ атыыласпыта, баазатын олохтоохтук оҥостубута, эти астыыр сыаҕы тэриммитэ.
Хаһаайыстыба баазата Хара нэһилиэгэр, бөһүөлэктэн икки көстөөх сиргэ баар. Күн бүгүн 60 биэлээх, 7 атыырдаах, ону таһынан мүөттээх ыҥырыалаах. Сайын ахсын куурусса ылан ииттэр. Былырыыҥҥыттан үүтү астааһыҥҥа ылыста, 2023 сыл түмүгүнэн 3,78 туонна эти, 0,9 сэнтиниэр мүөтү, 2 туонна сыыры, 300 киилэ арыыны астаата итиэннэ 100 туриһы сырытыннарда диэн Тыа хаһаайыстыбатын уонна ас-үөл бэлиитикэтин министиэристибэтэ иһитиннэрэр.
-
1
-
0
-
0
-
0
-
0
-
0
