"Сиэрдээх Арассыыйа" биэнсийэҕэ тахсыы сааһын уруккуга төнүннэрэллэрин туруорсарын истэн, "Superjob.ru" рекрутинговай агентство бу боппуруоска дьон санаатын ыйыталаспыт. Ол курдук, Арассыыйа 333 нэһилиэнньэлээх пуунун хабан, 18-тарыттан үөһэ саастаах 1600 киһиттэн сураспыт. Онуоха "Сиэрдээх Арассыыйа" бу туруорсуутун респондент 88 %-на өйүүр буолан биэрбит. --Итинник түмүк тахсара сэрэйиллэр этэ. Ити аата дьон-сэргэ 2018 сыллаах пенсионнай реформаны билиҥҥэ диэри ылыммат эбит. Эппиэттээбит дьонтон 24-гэр диэри саастаахтар хоруйдарын көрдөххө, 79 % -нара биһигини кытта сөбүлэспит. Ол аата кинилэр эмиэ инникилэрин туһугар долгуйаллар эбит. Биһиги баартыйабыт бырагырааматыгар биэнсийэҕэ тахсыы сааһын төттөрү уруккутугар төнүннэрэр туһунан пуун баар. Ону туруорсуохпут, туруулаһыахпыт.
-
0
-
0
-
0
-
0
-
0
-
0
