"Дьол суруга" үс сылга биирдэ gosuslugi.ru көмөтүнэн кэлэн соһутуоҕа. 45 саастарын ааспыт дьон биэнсийэҕэ тахсан ылыахтаах харчылара судаарыстыба хааһынатыгар мунньуллубут буолар. Анал сурукка быһа барыллаан төһөнү ылыахтаахтара тиһиллэр. Ол аата 45 саастаах дьон кырдьар кэмнэригэр төһө кээмэйдээх биэнсийэни ылалларын билэллэр уонна ол саастарыгар хайдах олороллорун ыраҥалыылларыгар көмөлөһүө. Иккиһинэн, 45 саастаах киһи биэнсийэтин салгыы хайдах улаатыннарарын туһугар төбөтүн үлэлэтэн барарыгар көмөлөһүө. Ол быһыытынан биэнсийэни страховкалыырга аналлаах араас хабааннаах бырагыраамаларга кыттыһыан сөп. Анал сурукка ааспыт сылга төһө суума төлөммүтүттэн саҕалаан биэнсийэ төһө буолуохтааҕа, баал ахсаана барыта чуолкайдаммыт буолуоҕа. Онон ол суругу ааҕа-ааҕа, кэлэр өттүгэр биэнсийэни хайдах үрдэтэр туһунан төбөҕүтүн үлэлэтэн барыаххыт.
-
0
-
0
-
0
-
0
-
0
-
0
