Ил Түмэн бэрэссэдээтэлэ Алексей Еремеев Саха Сиригэр кыраасданнар бырааптарын уонна көҥүллэрин көмүскээһиҥҥэ, хоруупсуйаны уонна буруйу оҥоруу утары охсуһууга ИДьМ кылаатын бэлиэтээтэ. Итиэннэ, устуоруйа көрдөрөрүнэн, ИДьМ систиэмэтэ улахан иитэр өрүттээҕэр, бу билиҥҥи кэмҥэ хаһааҥҥытааҕар да суолталаах уонна ирдэнэр кыах буоларыгар болҕомтону туһаайда. Сокуоннай саастарын ситэ илик оҕолорго буруйу кэһиини сэрэтэр үлэ быраабы харыстыыр уорганнар биир сүрүн соруктарынан буоларын тоһоҕолоон эттэ: «Бу үлэҕэ учаастактааҕы боломуочунай полиция оскуола үөрэнээччилэрин кытта көрсүһүүтэ сүҥкэн оруоллаах. Маннык тэрээһиннэр оҕолорго уонна ыччаттарга быраабы үөрэтэллэр, сокуоҥҥа уонна уопсастыбаҕа ытыктабылы иитэллэр, итиэннэ буруйу кэһиини аччатарга көмөлөһөллөр», – диэтэ парламентарий.
Дьокутаат патриотическай иитии күүһүрүүтүнэн сибээстээн сотору кэминэн федеральнай сокуон уларытыллара былааннаммытын иһитиннэрдэ. Ил Түмэн А.П. Метелевым салалтатынан РФ Федеральнай Мунньаҕын ыччат бэлиитикэтигэр кэмитиэтин кытта үлэни ыытар, ол иһигэр Дьокуускай куоракка «Ыччаты кытта патриотическай үлэни тупсарыыга сокуону оҥорор өрүттэр» диэн тиэмэлээх көһө сылдьар мунньаҕы тэрийии боппуруостарын дьүүллэһэллэр.
Сыл түмүгүнэн буруйу оҥорууну арыйыы тэтиминэн Саха Сирэ дойду бастакы уон эрэгэйиэннэрин иһигэр киирбитэ (5 уонна 6 миэстэ) бэлиэтэннэ.
Буруйу оҥоруу уопсай көрдөрүүтэ 56,3% тэҥнэспит. Бу Уһук Илин (48,4%), итиэннэ Арассыыйа (49,2%) орто көрдөрүүлэриттэн үрдүк. Өрөспүүбүлүкэ суолларыгар тырааныспар быһылаана 8,3 %-нан, тыраамбаламмыт дьон ахсаана 7,2 %-нан аччаабыт.
Сиһилии бу сигэнэн киирэн аах: https://iltumen.ru/news/26297
Андрей Сорокин түһэриитигэр хаартыска Ил Түмэн пресс-сулууспатын сайтыттан
-
1
-
0
-
0
-
0
-
0
-
0
