Икки өрүттэр бииргэ үлэлииргэ эрэллээхтэрин биллэрэн туран, Саха Өрөспүүбүлүкэтэ сокуону оҥорууга баай уопута Донецкай Өрөспүүбүлүкэтэ өрүттэригэр, норуодунай хаһаайыстыбатын чөлүгэр түһэрии үлэтигэр көдьүүстээх буолуохтааҕын ыйдылар. Ол курдук, донецкайдар тыа хаһаайыстыбатыгар уонна экология эйгэтигэр Саха Сирин кытта бииргэ үлэлэһэргэ интэриэстээхтэрин биллэрдилэр.
Ону таһынан Донецкай Өрөспүүбүлүкэтин Мунньаҕын бэрэссэдээтэлэ СӨ Ил Түмэнин бэрэссэдээтэлин солбуйааччы Александр Подголовы кытта Анал байыаннай дьайыы кыттыылаахтарын өйөөһүн миэрэлэрин дьүүллэстилэр. Салгыы Константин Кузьмин СӨ Ил Түмэнин дьокутаата, «Өрөспүүбүлүкэтээҕи офтальмологическай клиническэй балыыһа» СӨ САТ кылаабынай бырааһа Иван Луцкаҥҥа махталын биллэрдэ уонна Саха Сирин офтальмолог быраастара Донецкай олохтоохторун, көмүскээччилэрин харахтарын эмтээн, көрөр буолбуттарыгар тугунан да сыаналаммат улахан көмөнү оҥорбуттарын бэлиэтээтэ.
Хаартыска: ДНӨ Норуодунай Сэбиэтин матырыйаалларынан Ил Түмэн пресс-сулууспата
-
1
-
0
-
0
-
0
-
0
-
0
