Уопсастыба

Куонкуруска 23 улуустан 350 үөрэнээччи кыттыбытыттан, «Күннүгү» бары ирдэбили тутуһан толорбут 27 оҕо үлэтэ финалга таҕыста. Балаһыанньа быһыытынан, түмүк оҕолору саастарынан итиэннэ олорор сирдэринэн зоналарынан арааран таһаарылынна.

Алын бөлөххө

Бастакы зонаҕа «Күннүгү систиэмэлээхтик толоруу» номинацияҕа бэлиэтэннилэр: Женя Егорова, Арсен Петров, Саян Семенов, «Биһиги улууспут, нэһилиэкпит билгэһиттэрэ» номинацияҕа Айсан Федоров, «Дьиэтээҕи метеостанция» номинацияҕа Анжелика Бурнашева (бэһиэн Мэҥэ Хаҥалас улууһун Ф.Г. Охлопков аатынан Майа орто оскуолатын 3-с «б» кылааһын үөрэнээччилэрэ, салайааччы Е.Н. Чичахова).

Иккис зонаҕа «Күннүгү систиэмэлээхтик толоруу» номинацияҕа: Таисия Кузякина (Алдан улууһун Алын Кураанах гимназиятын 4 «а» кылааһын үөрэнээччитэ, салайааччы Г.Ш. Стасенко), Вячеслав Носырев, Мариянна Каблаш (Алдан куорат 1 №-дээх орто оскуолатын 2-с «б» кылааһын үөрэнээччилэрэ, салайааччы Л.Ю. Долгова), «Кыыл-сүөл майгытынан күнү-дьылы билгэлээһин» номинацияҕа Дмитрий Дубов, «Үүнээйинэн күнү-дьылы билгэлээһин» номинацияҕа номинацияҕа Екатерина Семенова, «Айылҕа көстүүтүнэн күнү-дьылы билгэлээһин» номинацияҕа Маргарита Петах, «Айылҕаны кэтээн көрүүгэ бэйэ оҥорбут прибордарын туһаныы» номинацияҕа Валерия Синегубова (төрдүөн Алдан улууһун Алын Кураанах гимназиятын 2 «а» кылааһын үөрэнээччилэрэ, салайааччы В.Н. Паламарчук).

Улахан бөлөххө

Бастакы зонаҕа «Күннүгү систиэмэлээхтик толоруу» номинацияҕа бэлиэтэннилэр: Милада Шапошникова (Н.С. Охлопков аатынан Нам гимназиятын 7-с кылааһын үөрэнээччитэ, салайааччы Л.В. Бочкарева), Нина Бережнева , «Кыыл-сүөл майгытынан күнү-дьылы билгэлээһин» номинацияҕа Алиса Емельянова (иккиэн Хаҥалас улууһун И.И. Козлов аатынан Бэстээх орто оскуолатын 6-с кылааһын үөрэнээччилэрэ, салайааччы С.Р. Колтовская), Аделина Атакова (Томпо улууһун Ф.М. Охлопков аатынан Кириэс Халдьаайы орто оскуолатын 6-с кылааһын үөрэнээччитэ, салайааччы А.Н. Сыромятникова). «Биһиги улууспут, нэһилиэкпит билгэһиттэрэ» номинацияҕа Дайаана Емельянова (Хаҥалас улууһун И.И.Козлов аатынан Бэстээх орто оскуолатын 10-с кылааһын үөрэнээччитэ, салайааччы С.Р. Колтовская), Карина Максимова (Н.С. Охлопков аатынан Нам гимназиятын 7-с кылааһын үөрэнээччитэ, салайааччы Л.В. Бочкарева).

Иккис зонаҕа «Күннүгү систиэмэлээхтик толоруу» номинацияҕа бэлиэтэннилэр: Константин Гребенкин (Алдан улууһун Алын Кураанах гимназиятын 8-с кылааһын үөрэнээччитэ, салайааччы К.С. Гребенкина), Екатерина Гуленкова (Алдан улууһун Алын Кураанах гимназиятын 8-с кылааһын үөрэнээччитэ, салайааччы И.А. Карабан), «Үүнээйинэн күнү-дьылы билгэлээһин» номинацияҕа Алина Габышева (Үөһээ Бүлүү улууһун Ороһу орто оскуолатын 7-с кылааһын үөрэнээччитэ, салайааччы Г.Ю. Габышева), «Айылҕа көстүүтүнэн күнү-дьылы билгэлээһин» номинацияҕа Алима Саввинова (Сунтаар улууһун А.К. Акимов аатынан Күүкэй орто оскуолатын 6-с кылааһын үөрэнээччитэ, салайааччы О.А. Федорова), «Биһиги улууспут, нэһилиэкпит билгэһиттэрэ» номинацияҕа Валентина Барчахова (Үөһээ Бүлүү улууһун Тамалакаан орто оскуолатын 6-с кылааһын үөрэнээччитэ, салайааччы М.И. Иванова).

«Биһиги дьиэ кэргэн биоритма» номинацияҕа Софья Гребенкина (Алдан улууһун Алын Кураанах гимназиятын 6-с кылааһын үөрэнээччитэ, салайааччы К.С. Гребенкина).

Үһүс зонаҕа «Күннүгү систиэмэлээхтик толоруу» номинациянан бэлиэтэннилэр: Александр Потапов (Орто Халыма улууһун Алаһыай орто оскуолатын 9-с кылааһын үөрэнээччитэ, салайааччы О.А. Потапова), Милена Полюхова (Орто Халыма улууһун Алаһыай орто оскуолатын 9-с кылааһын үөрэнээччитэ, салайааччы Л.А. Полюхова), «Айылҕа көстүүтүнэн күнү-дьылы билгэлээһин» номинацияҕа Никалина Кириллина (Булуҥ улууһун Быков орто оскуолатын 6-с кылааһын үөрэнээччитэ, салайааччы Т.Н. Кириллина).

Куонкурус түмүгүн иһитиннэрии кулун тутар 20 күнүгэр онлайн киэбинэн ыытылынна. Кыайыылаахтарга ХИФУ биолого-географическай факультетын араас сылларга бүтэрбит дьоннор, «Сахамедиа» гендириэктэрэ Виктор Колесов, Экология сэбиэтин бэрэссэдээтэлэ Игорь Бястинов, Булт департаменын салайааччыны солбуйааччы Анатолий Попов, билгэһиттэр Иннокентий Сосин, Роман Плотников-Мэҥэ Арамаан, Николай Игнатьев-Билгэ Ньукулай, Максим Сибиряков, Семен Оконешников-Туотайар Сэмэн, Данил Федоров оҕолоро уонна Күнү-дьылы кэтээн көрөр сулууспа олохтообут бириистэрэ туттарылыннылар. Экология, айылҕаны туһаныы уонна ойуур хаһаайыстыбатын министиэристибэтэ улахан бөлөх кыайыылаахтарыгар «Күөх пионердар» лааҕырга путевка бэлэхтээтэ.

Быйылгы куонкуруска ордук үчүгэй көрдөрүүнү кыра бөлөххө Мэҥэ Хаҥалас улууһун Ф.Г. Охлопков аатынан Майа орто оскуолата, Алдан улууһун Алын Кураанах гимназията, улахан бөлөххө Н.С. Охлопков аатынан Нам гимназията көрдөрбүттэр. Алын Кураанах гимназиятын ахсыс кылааһын үөрэнээччитэ Константин Гребенкин алтыс сылын кыайда, Орто Халыма улууһуттан Алаһыай оскуолатын тохсус кылааһын үөрэнээччитэ Александр Потапов ааспыт биэс сылга бириистээх миэстэни ылбыта, быйыл -- бастаата! 

Жюри педагогтартан Ф.Г. Охлопков аатынан Майа орто оскуолатын алын кылааһын учуутала, Саха Өрөспүүбүлүкэтин үөрэҕириитин туйгуна, Ил Дархан Гранын туһааннааҕа Елена Николаевна Чичахованы, Алын Кураанах гимназиятын алын кылааһын учуутала, Саха Өрөспүүбүлүкэтин үтүөлээх учуутала Виктория Николаевна Паламарчугу ордук чорботон бэлиэтээтэ. Кинилэр «Күн-дьыл туругун кэтээн көрүү күннүгүн» үөрэтэр оҕолоругар утумнаахтык толортороллор, төрөппүттэри кытары көхтөөхтүк үлэлииллэр, ол түмүгэр, куонкурус тэриллиэҕиттэн туһааннааҕынан 21-дии, 20-лии кыайыылааҕы, призеру бэлэмнээтилэр!

Үрдүкү кылаастарга Н.С. Охлопков аатынан Нам гимназиятын географияҕа учуутала, Саха Өрөспүүбүлүкэтин үөрэҕириитин туйгуна Лена Владимировна Бочкарева айымньылаахтык үлэлиир, куонкурус тэриллиэҕиттэн кини 13 үөрэнээччитэ кыайыылаах, призер буоллулар.

– «Күннүк» иитэр суолтата улахан, оҕолору чинчийэр үлэҕэ угуйар, тулалыыр эйгэҕэ интэриэһи үөскэтэр. Учууталларын, төрөппүттэрин кытары «Күннүгү» толорор оҕолор айылҕа араас көстүүлэрин, күн-дьыл туругун кэтээн көрөн, чахчылары хомуйар, тэҥниир, ырытар, түмүктэри оҥорор үөрүйэхтэри иҥэринэллэр, толкуйдуур дьоҕурдара сайдар, болҕомтолоох, тэрээһиннээх, дьаныардаах буоларга, бириэмэни аттаран туһанарга үөрэнэллэр. Ити кинилэр билиигэ-көрүүгэ тардыстар, дьону-сэргэни ытыктыыр, айылҕаны харыстыыр, Ийэ дойдуларын таптыыр патриот дьон буола үүнэллэригэр тирэх буолар. Онон уопуттаах, идэлэригэр бэринилээх педагогтар иитэр-үөрэтэр үлэлэригэр «Күн-дьыл туругун кэтээн көрүү күннүгүн» айымньылаахтык туһаналларын иһин махтанабыт, – диир «Күн-дьыл туругун кэтээн көрүү күннүгүн» ааптара Александр Герасимов.