Ытык Күөлгэ Кыайыы болуоссата саҥардыллар. Ааспыт ыйга уон сыллааҕыта Бурятияттан аҕалыллыбыт тааҥка болуоссат иһигэр көһөрүллүбүтэ. Бу күннэргэ биир дойдулаахпыт Юрий Дарбасов иилээн-саҕалаан, болуоссат аарката оҥоһулунна.
Ону «Ректайм» тэрилтэ куонкуруска хотон, Николай Харитонов, Василий Яковлев эскиистэринэн, дьоҕус архитектурнай киэпкэ сөп түбэһиннэрэн, чочуйан оҥордо. Аарка олоҕун оҥоруутугар Александр Дарбасов, Константин Охлопков үлэлээтилэр. Кыайыы болуоссатын аарката мантан саас өссө ситэриллиэ, эбии тупсарыллыа.
-
4
-
0
-
0
-
0
-
0
-
0
