Кини тиийиэҕиттэн ыла Донецкай наруодунай өрөспүүбүлүкэ кулун тутар ый бүтүүтэ өстөөхтөн толору босхоломмут Запорожье нэһилиэнньэлээх пууннарын территориятыгар баар байыаннай чаас полигоннарынан сылдьар.
– Байыастар хамандыыры кытары кэпсэтэннэр, бэйэлэрин массыыналарынан таһаллар. Полигоннарынан сылдьан, уолаттарбын алгыыбын, бойобуой сорудахтан этэҥҥэ тахсалларыгар көрбүөччүлүүбүн уонна госпитальга сытар уолаттарга күүс-көмө буолабын, -- диэн ханна баарын туһунан ыйыппыппар, тута аҕыйах тылынан кэпсии оҕуста.
Дрон элбэх буолан, сибээспит быста-быста холбонон, син кэпсэттибит, биир үтүө сонуннаахпын диэтэ:
– Улахан үөрүүлээх сонунум – уолаттарбыт бэйэлэрин харчыларынан кыттыһан, Арчы дьиэтин туппуттар, ону көрөн астынным уонна долгуйдум. Уолаттарбын барыларын алҕаан, уот толоонуттан бары тыыннаах тахсалларын туһугар биэстии-алталыы чаас устата алгыспын ыытан, бары этэҥҥэ тахсыбыттар, -- диэтэ.
Ити курдук Арчыына арчылаан-араҥаччылаан, алҕаан, алгыстаах алаадьытынан күндүлээн, уолаттарбытыгар төрөөбүт дойдуларын санатар, инникигэ эрэли үөскэтэр.
Хаартыскалары Арчыына хааччыйда.
-
48
-
2
-
0
-
0
-
0
-
0
