Сурукка: «Ытыктабыллаах Сергей Сергеевич, педагогтар аттестацияларын хаамыытын тупсарар кыаҕы көрөргүтүгэр көрдөһөбүн», - диэн этиллэр. Докумуоҥҥа 2023 сылтан Арассыыйаҕа Биир кэлим федеральнай сыаналыыр матырыйаалынан (ЕФОМ) педагогтар идэтийиилэрин, предметнэй уонна коммуникативнай компетенцияларын быһаарар аттестация саҥа систиэмэтэ киирбитэ, ол эрээри педагогтар аттестацияны ааһар кэмнэригэр кэккэ ыарахаттары көрсөллөрө ыйыллар.
Лантратова бэлиэтииринэн, аттестация систиэмэтигэр педагог эбээһинэһигэр сыһыана суох ордук ирдэбиллэр бааллар. Холобура, докумуон дьыалатыгар уонна административнай соруктары ситиһэр үөрүйэхтэри бэрэбиэркэлээһин. Бу сыанабыл тоҕоостооҕун намтатар.
Госдуума дьокутаата административнай үөрүйэх сыанабылын кыччатан эбэтэр салайар дуоһунастаахтарга маннык киритиэрийи туспа таһааран сыаналааһыны тупсарарга этэр. Ону таһынан, педагогтар аттестация хамыыһыйатын быһаарыытын суһаллык утаралларыгар кыаҕы биэрэр апелляция мэхэньииһимин киллэрэри туруорсар. Парламентарий быһаарарынан, маннык уларыйыылар аттестация систиэмэтин сиэрдээх, дьэҥкир оҥоруо уонна педагогтар дьиҥнээх идэтийбит хаачыстыбаларын быһаарарга туһаайыа.
Иһитиннэрии уонна хаартыска: РИА Новости
-
1
-
0
-
0
-
0
-
0
-
0
