Ол иһигэр, бурдук 11,8 тыһ. (2024 с. ыһыы 112,7 %-а), сүөһү сиир култуурата 31,5 тыһ. гектарга (2024 с. ыһыы 103,1%-а) ыһыллыаҕа, хортуоппуй 6,3 тыһ. (2024 с. ыһыы 102 %-а), оҕуруот аһа 1,2 тыһ. гектарга (2024 с. ыһыы 103 %-а) олордуллуоҕа.
Улуустарга сааскы ыһыы, сайыҥҥы оттооһун, күһүҥҥү хомуур былааннара тиэрдиллибиттэр. Ону толоруу тустаах хаһаайыстыбалары кытары сөбүлэһиигэ олоҕуруна хонтуруолланыаҕа.
Ыһыы сиэмэтинэн уонна минеральнай уоҕурдуунан хааччыллыы ыһыы үлэтин тэрээһинигэр улахан суолталаах. Күн бүгүҥҥү туругунан, 1 864 туонна бурдук сиэмэтэ ирдэнэриттэн 59 %-а баар, 752 туонна ыһыы сиэмэтэ атын эрэгийиэннэртэн аҕалыллыаҕа. Сүөһү аһылыгын ыһыыга 2,7 тыһ. туонна сиэмэ наада. Онтон 40 %-а баар, тиийбэт 1,6 тыһ. туонна сиэмэ Алтаай кыраайыттан, Новосибирскай уонна Тюмень уобаластарыттан аҕалылыахтаах. Хортуоппуй сиэмэтин 80 %-а баар, тиийбэт 1 215 туонна сиэмэ Иркутскай, Амур уобаластарыттан, Приморья кыраайыттан аҕалыллыахтаах. Маны таһынан, хаһаайыстыбалар 707 туонна минеральнай уоҕурдууну (азофосканы, карбамиды уонна диаммофосканы) аҕалтарарга дуогабардаспыттар.
Хаартыска эрэдээксийэ архыыбыттан.
-
1
-
0
-
0
-
0
-
0
-
0
