Сыыппара көрдөрөрүнэн, 2018 сыллаахха 3,4 туонна мүөт оҥоһуллубут эбит, оттон 2024 сыл түмүгүнэн бу көрдөрүү 27,7 туоннаҕа тиийбит. Бастаан саҕалыырга 12 хаһаайыстыба дьарыктаммыт буоллаҕына, билигин Амма, Бүлүү, Горнай, Мэҥэ Хаҥалас, Нам, Сунтаар, Таатта, Хаҥалас Чурапчы улуустарыгар уонна Дьокуускай куоракка барыта 33 хаһаайыстыба (биир кэпэрэтиип, 17 бааһынай хаһаайыстыба, 14 кэтэх хаһаайыстыба, биир оскуола көмөлтө хаһаайыстыбата) мүөккэ идэтийэн үлэлииллэр. Холобур, Амма олохтоохторо Саргылаана Рожина, Тимофей Григорьев «Мэҥкэр» диэн бааһынай хаһаайыстыбаны тэринэн, мүөттээх ыҥырыаны 2017 сылтан иитэллэр.
2024 тохсунньу 1 күнүнээҕи туругунан, 916 дьиэ кэргэн ыҥырыа баар эбит. Бу тигээйилэри хаһаайыстыбалар Амур уобалаһыттан, Татарстантан, Удмуртияттан аҕалан ууһатан иитэллэр. Ааспыт 2024 сыл устатыгар 27 туонна мүөт, биир дьиэ кэргэн ыҥырыаттан ортотунан 20,9 киилэ мүөт итиэннэ 48 киилэ буоска ылыллыбыт. Мүөт сүрүннээн атырдьах ыйын 20 күнүттэн сүүрдүллэр.
2022 сыллаахха бүддьүөттэн ороскуот сорох чааһын толуйууга 20 мөл солк көрүллүбүтэ, итиэннэ «Туймаада» ҮАПК АУо чэрчитинэн үлэлиир АПК-ны өйүүр пуондаттан мүөттээх ыҥырыаны иитэр хаһаайыстыбалары тэрийиигэ 5 %-наах сойуом көрүллэр буолбута диэн Ил Дархан уонна Бырабыыталыстыба пресс-сулууспата суруйар.
Хаартыска: эрэдээксийэ архыыбыттан.
-
0
-
0
-
0
-
0
-
0
-
0
