Тыа хаһаайыстыбатын уонна ас-үөл бэлиитикэтин министиэристибэтэ иһитиннэрэринэн, ыһыыны көрсө 531 араас мааркалаах тиэхиньикэ, 170 сиэйэлкэ, 187 культиватор, 265 булуук өрөмүөннэнэн бэлэмнэммит. Ыһыыга анаан 954 туонна сиэмэни атыылаһарга дуогабар түһэрсиллибититтэн, 815 туонна бурдук сиэмэтэ, 35 туонна элбэх сыллаах от сиэмэтэ аҕалыллыбыт. Маны сэргэ 505 туонна хортуопуй сиэмэтэ кэлбит, 172 туонна сиэмэ хортуоппуй айаннаан иһэр. Барыта 623 туонна минеральнай уоҕурдуу сайаапкаламмытыттан, 623 туонна уоҕурдуу хаһаайыстыбаларга тиэрдиллибит. Аны аҕыйах хонугунан, уу суола аһылыннар эрэ, хаалбыт сиэмэ уонна уоҕурдуу аҕалыллыахтара.
Хаһаайыстыбалар ыам ыйын бастакы дэкээдэтиттэн сииги саптарыы үлэтин саҕалаабыттара. Бу үлэҕэ бастакынан кураан сирдээх-уоттаах илин эҥээр улуустар хаһаайыстыбалара туруммуттара. Билигин сорохтор сиик саптарыытын бүтэрэн, ыһыыны саҕалаан эрэллэр.
Оттон оҕуруокка идэтийэр хаһаайыстыбалар барыта холбоон, 130 238 кв миэтэрэ иэннээх тэпилииссэни бүрүйэннэр, оҕуруоттарын олордо сылдьаллар.
Хаартыска: эрэдээксийэ архыыбыттан.
-
0
-
0
-
0
-
0
-
0
-
0
