Сунтаар улууһун Кириэстээх нэһилиэгэр олорор Марианна, Юрий Васильевтарга ыраах Эбээн Бытантай улууһун, Кустуур нэһилиэгиттэн сүөһү төрдө буолаары аат ааттаан, анаан-минээн, ыраас хааннаах, тыһылаах атыыр саха сүөһүлэрэ тиийэн кэллилэр. Ол туһунан кинилэр маннык кэпсээтилэр:
– Икки саха сүөһүтэ хаардаахтан айаннаан, аара Горнайга сааһаан, күөх сайыны көрсө этэҥҥэ кэлбиттэригэр үөрүүбүт муҥура суох. Быһааран эттэххэ, «Саха сүөһүтэ» генопуонда тэрилтэтэ Эбээн Бытантайдааҕы салаатыттан саас, массыына суолунан Үөһээ Бүлүү Оҥхойугар уонна Ньурба Аканатыгар сүөһү аҕалбыта, онно биһиги икки тыһаҕаспытын кыбытан илдьэ кэлбитэ. Ити иһин, Кустуур олохтоохторугар: бырааппыт Петр Шадрин соһуччу үөрүүнү бэлэхтээбитигэр, сүөһү хаһаайыттара Василий Старостиҥҥа, Виктория Гороховаҕа, «Саха сүөһүтэ» генопуонда тэрилтэтин Кустуурдааҕы салаатын салайааччыта Максим Аммосовка, «Меркурийы» оҥорон, докумуоннаан ыыппыт бэтэринээр Эдуард Поповка, Горнайга сааһыылларын көҥүллээн, ыйы быһа көрөн-харайан биэрбит «Саха сүөһүтэ» генопуонда тэрилтэтин салайааччы Александр Артемьевка, зоотехник Алексей Варламовка, суоппар Альберт Слепцовка, Горнайдааҕы «Кылыс» салаа сэбиэдиссэйэ Павел Корякиҥҥа, селекционер-зоотехник Степан Заровняевка сиртэн халлааҥҥа диэри махталбытын тиэрдэбит. Сүүрбэччэ сыл устата ыра санаа гыммыт баҕабыт туолла.
Маны сэргэ Сунтаар улууһун тыатын хаһаайыстыбатын управлениетын салайааччы Владимир Анисимовка, Кириэстээх баһылыга Александр Григорьевка, көрдөһүүбүтүн ылынан сүөһүбүтүн Ньурба Аканатыттан аҕалан биэрбит суоппар Михаил Даниловка истиҥник махтанабыт. Сайаҕас санаалаах, үөрүнньэҥ хоту дойдубут дьонугар-сэргэтигэр, көмөлөспүт бар дьоммутугар үтүө доруобуйаны, этэҥҥэ буолууну, тус олоххутугар ситиһиилэри, дьолу баҕарабыт.
Юрий, Марианна Васильевтар, Кириэстээх.
-
3
-
0
-
0
-
0
-
0
-
0
