Саҥа судаарыстыбаннай биир кэлим учуобунньуктар оскуолаҕа үөрэтиллэр устуоруйа кууруһун барытын хабаллар. Учуобунньуктар ааптардарынан РФ Бэрэсидьиэнин көмөлөһөөччүтэ, Арассыыйа байыаннай-историческай уопсастыбатын бэрэссэдээтэлэ Владимир Мединскай, МГИМО риэктэрэ Анатолий Торкунов, РАН бүтүн уопсай устуоруйаҕа үнүстүүтүн научнай салайааччыта Александр Чубарьян буолаллар.Бу туһунан СӨ Бырабыыталыстыбатын Бэрэссэдээтэлин солбуйааччы Анатолий Семенов ТГ-ханаалыгар иһитиннэрэр.
Саҥа учуобунньуктарга устуоруйа түгэннэрин чопчу уонна чахчы хронологията киирдэ. Босуобуйа архыып матырыйааллардаах уонна дириҥэтэн үөрэтэргэ эбии иһитиннэриилэрдээх эрэллээх информационнай ресурсаларга сигэлээх.
Биир кэлим учуобунньуктар оскуола үөрэнээччилэригэр устуоруйаны утумнаахтык уонна тиһигин быспакка үөрэтэргэ, итиэннэ Арассыыйа устуоруйатын уонна кини аан дойдуга төһө дириҥ сабыдыаллааҕын өйдүүргэ көмөлөһүөхтэрэ.
Билигин РФ үөрэҕириигэ уонна наукаҕа министиэристибэтэ судаарыстыбаннай учуобунньуктары өрөспүүбүлүкэ кэлим пуунугар тиэрдиини тэрийэр. Ол кэннэ учуобунньуктары муниципальнай үөрэх управлениялара уонна үөрэх тэрилтэлэрэ СӨ үөрэҕириигэ уонна наукаҕа министиэристибэтин Ресурсанан хааччыйыы киинин ыскылаатыттан ылыахтара уонна Саха Сирин бары оскуолаларыгар тиэрдиэхтэрэ.
Ол курдук, балаҕан ыйын 1 күнүгэр саҥа учуобунньуктары биһиги өрөспүүбүлүкэбит бары үөрэнээччилэрэ ылыахтара.
Иһитиннэрии уонна хаартыска: https://t.me/AnatolySemyonov
-
0
-
0
-
0
-
0
-
0
-
0
