«Кымыс – Айыы аһа» бэстибээли 20 №-дээх Кымыс түһүлгэтигэр хаһыс да сылын «“Туймаада” агрохолдинг» аахсыйаламмыт уопсастыба (генеральнай дириэктэр Петр Ефремов) тэрийэн ыытар, онуоха сүрүн спонсор -- агрохолдинг стратегическай партнера «Амурагрокиин».
Күн бүгүҥҥү туругунан, бэстибээлгэ кыттарга сайаапкаларын биэрбиттэр: Дьокуускай куораттан – «Саха Өрөспүүбүлүкэтин Сылгыһыттарын сойууһа», Я.Д. Слепцов биирдэм тэрилтэтэ (сал. Валерий Слепцов), Виктор Сидоров кэтэх хаһаайыстыбата, «Эйгэ» бааһынай хаһаайыстыба (сал. Павел Васильев-Кымыс Байбал); Хаҥалас улууһуттан – «Бөртө» сылгы собуота (сал. Александр Павлов), «Улахан алаас» бааһынай хаһаайыстыба (сал. Марк Лиханов), Мэҥэ Хаҥалас улууһуттан – «Тумарык» бааһынай хаһаайыстыба, Саргылаана Охлопкова кэтэх хаһаайыстыбата; Уус Алдан улууһуттан Мария Турантаева бааһынай хаһаайыстыбата, Горнай улууһуттан – Валерий Федоров бааһынай хаһаайыстыбата; Таатта улууһуттан – «Кыhыл Кулаада» бааһынай хаһаайыстыба (сал. Петр Варламов), Нам улууһуттан – «Кымысчыт» бааһынай хаһаайыстыба (Екатерина Стручкова). Бу туһунан Тыа хаһаайыстыбатын уонна ас-үөл бэлиитикэтин министиэристибэтэ иһитиннэрэр.
Хаартыска: эрэдээксийэ архыыбыттан
-
0
-
0
-
0
-
0
-
0
-
0
