“Харыстаана” иис сыаҕа улуус киинигэр Ытык Күөлгэ үлэлээбитэ үс сылтан орто. Иистэнньэҥнэр тустаах үлэлэриттэн бириэмэ булан, киэһэттэн киэһэ, өрөбүл күннэригэр иистэнэллэр. Сыахха учуутал, иитээччи идэлээхтэр уонна бочуоттаах сынньалаҥҥа олорооччулар иистэнэллэр.
Салайааччы Анна Никифорова, Саха Өрөспүүбүлүкэтин үөрэҕириитин туйгуна, сахалартан соҕотох “Албан Аат” уордьан толору кавалера Дмитрий Ананьевич Петров аатын сүгэр Ытык Күөллээҕи 2-с нүөмэрдээх орто оскуола учуутала. Ытык Күөл элбэх көлүөнэ ыччатын иискэ сыһыаран үөрэтэн кэллэ. Сүрэҕин баҕатынан, үтүө санаатынан, АБДь-га сылдьар биир дойдулаахтарбытыгар байыаннай таҥаһы тигэр иис сыаҕын тэрийэн үлэлэтэрэ элбэҕи этэр.
Бу тэриллибит дьаһалга “Харыстаана” иис сыаҕа анал иистэнэр массыынанан бэлиэтэннэ. Үтүө санаалаах биир дойдулаахтарбытыгар, “Харыстаана” иис сыаҕын далбар хотуттарыгар улуус, нэһилиэк дьаһалтатын, Дьахталлар уонна Бэтэрээннэр сэбиэттэрин, улуус олохтоохторун аатыттан эҕэрдэлиибит, киэн туттабыт, махтанабыт! Бүгүҥҥү кэм бастыҥ уопсастыбанньыктарынан эһиги буолаҕыт.
Вера КАНАЕВА, Таатта
-
7
-
0
-
0
-
0
-
0
-
0
