Тыа хаһаайыстыбатын уонна ас-үөл бэлиитикэтин миниистирин солбуйааччы Сахаяна Павлова арыалааһынынан, Никита Николаевич Мэҥэ Хаҥалас улууһугар бурдугу үүннэрэр сортобуой учаастакка, Таатта улууһугар «Уолба» кэпэрэтиипкэ уонна Чурапчы улууһун Соловьев нэһилиэгин Мырылатыгар биирдэм урбаанньыт Виктор Петровка сырытта. Хаһаайыстыбалар бааһыналарын, ыһыыларын көрдө, өрөспүүбүлүкэҕэ сүөһү аһылыгын бэлэмнээһиҥҥэ култуура ханнык көрүҥнэрэ, суортара ыһыллалларын билистэ.
Киин улуустарга кукурузаны ыһыахха сөбүн туһунан эттэ. Билим чинчийиилэрэ бу култуура түргэнник ситэр суортара хоту дойду кылгас сайынытыгар ситиэн сөбүн бигэргэппитин сэргээтэ.
-- Олохтоох килиимэт уонна сир уратыларын үөрэтии, кукуруза сөп түбэһэр суортарын үүннэрии итиэннэ үүнээйиини араас ыарыыттан, буортулааччылартан харыстааһын ньымаларын тупсарыы өлгөм үүнүүнү ыларга улахан суолталаахтар, -- диэн Никита Николаевич тоһоҕолоон бэлиэтээтэ.
Бу туһунан тыа хаһаайыстыбатын уонна ас-үөл бэлиитикэтин министиэристибэтин саайта суруйар.
Хаартыска: Тыа хаһаайыстыбатын уонна ас-үөл бэлиитикэтин министиэристибэтин пресс-сулууспата.
-
3
-
0
-
0
-
0
-
0
-
0
