Тапталлаах куораппытын үгүс поэт хоһоонунан хоһуйбута. Олортон бүгүн биһиги эһиги болҕомтоҕутугар саха народнай поэта Михаил Тимофеев хоһоонун таһаарабыт.
ДЬОКУУСКАЙ
Михаил Тимофеев
Чаҕыл уоттар, сырдык кыымнар
Туймаадабар тырымныыллар.
Үрдээн иhэр түннүктэртэн
Үргэл үөрэн мичийбэхтиир.
Бу мин Дьокуускайым,
Сандаарыйар Сайсарым;
Бу мин дьолум,
Күөх хонуум!
Илин эҥээр, арҕаа мыраан,
Ытык Хайа, Чочур Мыраан
Туолбут ыйтан, сулустартан
Туналыhа сырдаатылар.
Бу мин Дьокуускайым,
Сандаарыйар Сайсарым;
Бу мин дьолум,
Күөх хонуум!
Өлүөнэттэн кыталыктыы
Үрүҥ күммүт дайан тахсар,
Эрэлбитин, дьылҕабытын
Эҕэрдэлии кыҥкынатар...
Бу мин Дьокуускайым,
Сандаарыйар Сайсарым;
Бу мин дьолум,
Күөх хонуум!
1976
Хаартыска: Владимир Григорьев түһэриитэ.
-
6
-
0
-
0
-
0
-
0
-
0
