Дьокуускай куорат уокуругар бу 2021 сылга ойуур 11 баһаара бэлиэтэммит. Онтон биирдэстэрэ от ыйын 28 күнүгэр Дьокуускай куорат, Нам, Горнай улуустарын кыраныыссатыгар турбута. Ону атырдьах ыйын 7 күнүгэр сарсыарда 8:00 чааска умуруорбуттара.
Баһаары умулларыыга 124 баҕа өттүнэн кыттыбыта. 24 волонтер уоту кытары охсуһа сылдьар дьону аһынан-үөлүнэн, туттар тэриллэринэн хааччыйан, улахан өҥөнү оҥордулар. Баһаар уопсай иэнэ 1,3 тыһыынча гектарга тэннэстэ.
Уоту кытары охсуһааччыларга уонна волонтердарга “Баһаары бохсууга өҥөлөрүн иһин” биэдэмистибэннэй бэлиэни, Махтал суруктары, грамоталары, өйдөбүнньүк бэлэхтэри туттардылар.
Хаартыскалары интэриниэт ситимиттэн ыллыбыт.
-
0
-
0
-
0
-
0
-
0
-
0
