Саха Өрөспүүбүлүкэтин сири оҥорууга сулууспата» судаарыстыба бүддьүөтүн тэрилтэтин иһинэн олохтоох суортары чинчийэн, үүннэрэн-ууһатан таһаарыыга биэс сортобуой учаастак үлэлиир. Ол курдук, Дьокуускай куораттааҕы, Өлүөхүмэтээҕи, Ньурбатааҕы уонна Төҥүлүтээҕи сортобуой учаастактар бурдук уонна сүөһү сиир култуураларын суортарыгар, оттон Ороссолуодатааҕы сортобуой учаастак оҕуруот аһын уонна хортуоппуй суортарыгар идэтийэн үлэлииллэр.
Ороссолуодатааҕы сортобуой учаастак быйыл күһүн аҥардас хортуоппуйу 54 туоннаны хомуйда. Ону аны саас хаһаайыстыбаларга сиэмэ быһыытынан биэриэхтээх. Онуоха үүнүүнү кыһын устата энчирэппэккэ харайар ыскылаата бары ирдэбилгэ (температурнай эрэсиимҥэ о.д.а.) сөп түбэһэр буолуон наада. Хаһаайыстыба 1998 сыллаахха туттубут 150 кв миэтэрэ иэннээх ыскылаата кэм-кэрдии кэлэн эргэрбитэ. Ол иһин быйыл сайын олохтоох уустар Гавриил Яковлев, Валерий Соловьёв хапытаалынайдык өрөмүөннээн, чөлүгэр түһэрдилэр. Иллэрээ сыл кинилэр оҕуруот аһа олордуллар учаастагар саха балаҕанын тутан биэрбиттэрэ.
Саҥардыллыбыт ыскылааты үлэҕэ киллэрэр үөрүүлээх тэрээһиҥҥэ «Саха Өрөспүүбүлүкэтин сири оҥорууга сулууспата» судаарыстыба бүддьүөтүн сулууспатын салайааччы Афанасий Семенов кыттыыны ылла. Үтүө суобастаах тутааччыларга уонна таһаарыылаах үлэлээх оҕуруоччуттарга Махтал суруктары туттарда.
Хаартыска: Тыа хаһаайыстыбатын уонна ас-үөл бэлиитикэтин министиэристибэтин саайта.
-
0
-
0
-
0
-
0
-
0
-
0
