Кэмитиэт бэрэссэдээтэлэ Андрей Макаров Х Илиҥҥи экэниэмикэ пуорумугар Бэрэсидьиэн Владимир Путин бу эрэгийиэннэр, чуолаан Аартыка олохтоохторугар тупсаҕай усулуобуйаны тэрийэр соругу туруорбутун санатта. Мунньах түмүгүнэн бу икки бырагыраама чэрчитинэн, харчыны саҥа төрөөбүт оҕолорго, эргийиэннээҕи ийэ хапытаалыгар, оҕо сынньалаҥын итиэннэ экэниэмикэ кииннэрин тэрийиигэ, тэпилииссэ комплекстарын хааччыйыыга, бөдөҥ нэһилиэнньэлээх пууннарга суолу тупсарыыга туһаайарга быһаарылынна.
Андрей Макаров Саха Сириттэн дьокутаат Галина Данчикова 2026-2028 сс. бүддьүөт иккис ааҕыытыгар Аартыка оҕолорун сайыҥҥы сынньалаҥын тэрийиигэ уонна доруобуйаларын чэбдигирдиигэ көрүллэр үбүлээһин кээмэйин үрдэтэр туһунан этиитин өйөөтө итиэннэ бу боппуруоһу үөрэтэн көрөр туһунан көҕүлээһини оҥордо. Санатан эттэххэ, Судаарыстыбаннай Дуума 2023-2025 сс. федеральнай бүддьүөт туһунан уурааҕар Галина Данчикова Аартыка оҕолорун сайыҥҥы сынньалаҥнарын уонна доруобуйаларын чэбдигирдиини тэрийэргэ үбүлээһини сөргүтэр туһунан этиитэ туспа пуунунан киллэриллибитэ итиэннэ Арассыыйа Федерациятын Бырабыыталыстыбатыгар толорорго сүбэлэммитэ. Бу туһунан Ил Түмэн пресс-сулууспата суруйар.
-
1
-
0
-
0
-
0
-
0
-
0
