Бырагыраамата киэҥ. Сэтинньи 4 күнүгэр «Лена» киинэ тыйаатырыгар Татьяна Борщ ««Вторая мировая. Ложь западных стран» кинохрониката көрдөрүллүөҕэ. Өрөспүүбүлүкэтээҕи медиа-кииҥҥэ Илиҥҥи байыаннай уокурук оробуочай бөлөҕүн пресс-кэмпириэнсийэтэ буолуоҕа. «Арассыыйа – мин устуоруйам» устуоуруйа пааркатыгар күнүс 14.00 чаастан трофейнай байыаннай тиэхиньикэ быыстапката буолуоҕа итиэннэ Илиҥҥи байыаннай уокуруктааҕы Апыссыардар дьиэлэрин байыаннай түмэлин пуондатын эспэнээттэрин уонна байыаннай фотографтар үлэлэрин быыстапката аһыллыаҕа.
М.К. Аммосов аатынан ХИФУ КФЕН-ыгар «Норуот уонна аармыйа бииргэлэр» ыччат патриотический киэһэ тэриллиэҕэ. Онно сэбилэниилээх күүстэр «Илин» бөлөхтөрүн «Мы Есть Мы!» рок-бөлөҕө кыттыыны ылыаҕа. Оскуола үөрэнээччилэрэ АБДь кыттыылаахтарын, волонтердары кытары көрсүһүөхтэрэ, социальнай харысхал тэрилтэлэригэр сылдьыахтара.
Сэтинньи 5 күнүгэр АБДь кыттыылаахтарыгар уонна кинилэр дьиэ кэргэттэригэр анаан социальнай-психологическай арыаллааһын туһунан сэминээр, байыаннай кэрэспэндьиэннэри кытары айар көрсүһүү тэриллиэҕэ. Муниципальнай тэриллиилэр баһылыктара, судаарыстыбаннай былаас уорганын уонна федеральнай былаас бэрэстэбиитэллэрэ кыттыылаах төгүрүк остуол, Ю.А. Гагарин аатынан Култуура уонна аныгы ускуустуба киинигэр «Мы Есть Мы!» рок-бөлөх кыттыылаах патриотическай кэнсиэрт буолуохтара.
Сэтинньи 6 күнүгэр «Норуот уонна аармыйа бииргэлэр» өрөспүүбүлүкэтээҕи III Антифашистскай пуорум пленарнай мунньаҕа буолуоҕа. Ону таһынан, «Вахта памяти. Ржев-Дальний Восток» бырайыак холобуругар олоҕуран, видеокэмпириэнсийэ киэбинэн «Личный практический опыт как эффективный инструментарий патриотического воспитания молодёжи» диэн тиэмэҕэ төгүрүк остуол итиэннэ добровольческай тэрилтэлэр быыстапкалара тэриллиэҕэ. Өрөспүүбүлүкэ болуоссатыгар «Дьоруойдар уонна хорсун быһыылар» быыстапка үлэлиэҕэ.
Сэтинньи 7 күнүгэр экстремизм уонна терроризм идеологиятын сэрэтиигэ туһуламмыт «Суолталааҕы судургутук» диэн сэминээр-тренинг буолуоҕа.
Пуорум Ил Дархан Айсен Николаев дьаһалынан ыытыллар. Тэрийэр кэмитиэт састаабыгар өрөспүүбүлүкэ уонна Илиҥҥи байыаннай уокурук командованиятын бэрэстэбиитэллэрэ үлэлииллэр. Пуорум уопсастыбаны фашизм кутталыттан сэрэтэр уонна ону ураты охсуһар дьаһаллары тобулар соруктаах тэриллэр. Бу туһунан Ил Дархан уонна Бырабыыталыстыба пресс-сулууспата суруйар.
Хаартыска: Ил Дархан уонна Бырабыыталыстыба саайта.
-
0
-
0
-
0
-
0
-
0
-
0
