Саха Сирин уонна Аармыйаны ситимниир далаһа
Пуорум сүрүн соруга — Аармыйа уонна уопсастыба икки ардыларыгар ситими бөҕөргөтүү, ону тэҥэ устуоруйа өйдөбүнньүгүн харыстааһын. Ыччат дьыалаларыгар уонна социальнай коммуникацияларга миниистири солбуйааччы Александр Максимов тэрээһин ыччакка туһуланарын тоһоҕолоон бэлиэтээтэ:
«Биһиэхэ ыччат устуоруйаны эрэ билэрэ буолбакка, уопсастыба олоҕор актыыбынайдык кыттара булгуччулаах. Бэтэрээннэри уонна анал байыаннай дьайыы кыттыылаахтарын кытта көрсүһүүлэр эдэр дьоҥҥо хорсун быһыы уонна эппиэтинэс суолталарын дириҥник өйдүүллэригэр көмөлөһүөхтэрэ».
Пуорумҥа бэлэмнэнии эрдэ саҕаламмыта: балаҕан ыйыттан өрөспүүбүлүкэ үрдүнэн тиэмэлээх көрсүһүүлэр ыытыллыбыттара, оттон нассынаалынай бибилэтиэкэҕэ «Өлбөт-сүппэт кинигэ пуолката» диэн виртуальнай быыстапка арыллыбыта.
Бырагыраама: сэрии сэбиттэн — нассынаалынай оонньууларга тиийэ
Пуорум дириҥ ис хоһоонноох. Дьокуускайга сүрүн тэрээһиннэр ыытыллыахтара:
- Сэтинньи 2 күнэ: «Патриот» ыччат киинигэр анал байыаннай дьайыы сириттэн кэлбит сэрии сэбин уонна трофейдары көрдөрөр быыстапкалар арыллыахтара. Киэһэ «Илин» байыаннай бөлөх рок-бөлөҕө уонна «Девчата» ВИА кэнсиэртииэхтэрэ.
- Сэтинньи 4 күнэ (Норуот сомоҕолоһуутун күнэ): Уһун остуол хабылыгар (нарды) Куубак, волейболга табаарыстыы матч уонна нассынаалынай көрүҥнэргэ маастар-кылаастар былааннаналлар. Дьыалабыай чаас кэнниттэн А.Е. Кулаковскай аатынан Норуоттар доҕордоһууларын дьиэтигэр патриотическай аахсыйа ыытыллыаҕа.
- Сэтинньи 5 күнэ: Пуорум сүрүн дьыалабыай тэрээһинэ — пленарнай мунньах. Манна генерал-лейтенант Роман Греков уонна ДНР бэрэстэбиитэллэрэ кыттыахтара. Анал байыаннай дьайыы кыттыылаахтарыгар сыһыаннаах төгүрүк остуоллар ыытыллыахтара.
Устуоруйаҕа төннүү
Бу пуорум сэрии сылларыгар олохтоммут үтүө үгэһи салгыыр. 1942 сыл балаҕан ыйын 6 күнүгэр Дьокуускайга фашистааһын утары миитин буолбута. Оччолорго кураан уонна фроҥҥа уустук балаһыанньа баарын үрдүнэн, өрөспүүбүлүкэ олохтоохторо Кыайыыга саарбахтаабакка, дойду инники кэскилин туһугар хорсун быһыыга бэлэмнэрин биллэрбиттэрэ.
Билиҥҥи пуорум «Илин» байыаннай бөлөх командованиетын өйөбүлүнэн ыытыллар уонна бу урукку хорсун быһыы утумун салгыыр. Тэрээһин сэтинньи 6 күнүгэр «Сергеляхские огни» култуура киинигэр патриотическай кэнсиэринэн түмүктэниэҕэ.
Сонун төрдө: sakha.gov.ru.
Хаартыска: Галина МАТВЕЕВА түһэриитэ
-
0
-
0
-
0
-
0
-
0
-
0
