Ил Дархан Айсен Николаев Анал этиитигэр бэлиэтээбитинэн, бу нэһилиэнньэлээх пууннары сайыннарарга 2030 сылга диэри 155 млрд солк харчы көрүллүөхтээх. Көҕүлээһиҥҥэ 472 дьаһал киирэр. Ол иһигэр, ордук чорботуллар хайысхаларынан кыраасданнары хаарбах дьиэлэртэн көһөрүү, суолу-ииһи оҥоруу, өрөмүөннээһин, уопсастыбаннай тырааныспары саҥардыы, олорор дьиэлэргэ гааһы киллэрии, уопсастыбаннай сирдэри тупсарыы, интернет ситимэ тииһилэҥнээх буолуутун хааччыйы, көҥүлэ суох сыбаалкалары суох оҥоруу, уунан, сылааһынан хааччыйыыны күүһүрдүү итиэннэ иитэр-үөрэтэр эйгэ, доруобуйа харыстабылын, култуура, успуорт уонна физкультура эбийиэктэрин тутуу буолар.
Тирэх нэһилиэнньэлээх пууннары тэрийии үлэтэ дойдуга былырыын саҕаламмыта. Талыы Экэниэмикэни сайыннарыы федеральнай министиэристибэтигэр тустаах ирдэбиллэринэн ыытыллыбыта. Дьокуускай куорат испииһэккэ куорат агломерациятын киинин быһыытынан киллэриллибитэ, сайдыы саҥа түбэтинэн Нерюнгри куорат, Усть-Куйга уонна Алын Бэстээх бөһүөлэктэрэ, стратегическай территориянан Тикси быһаарыллыбыттара. Атын 38 тирэх — улуустар кииннэрэ уонна бөдөҥ нэһилиэнньэлээх пууннар. Бу туһунан Ил Дархан уонна Бырабыыталыстыба пресс-сулууспата суруйар.
Хаартыска: Ил Дархан уонна Бырабыыталыстыба саайтыттан.
-
0
-
0
-
0
-
0
-
0
-
0
