Бу тэрээһиҥҥэ киин куорат олохтоохторо үөрэ-көтө кэлэн кыттыстылар. Эдэр да дьон, саастаахтар даҕаны элбэхтэр. Тааттааҕы «Оһуокай» түмсүү 2016 сылтан айымньылаахтык үлэлии сылдьар, өрөспүүбүлүкэтээҕи «Оһуокай» түмсүүнү кытары биир ситиминэн үлэлиир. Ол курдук, ааспыт сылтан Чөркөөх оскуолатын иһинэн оҕо лааҕыра оһуокай этээччилэргэ үлэлээтэ. Дархан этээччи Афанасий Попов, үтүөлээх этээччи Иван Потапов үөрэнээччилэрэ утум тутан айымньылаахтык үлэлии-хамсыы сылдьаллар. Үтүөлээх этээччилэр Лариса Попова, Айта Васильева оскуола үөрэнээччилэрин оһуокайга үөрэтэннэр, билигин элбэх оҕо этэр буолла.
Бүгүн өрөбүллээҕи оһуокайы Лариса Попова, Игнат Белин, Андрей Белолюбскай, Иван Иванов, Лев Тарасов, Айталина Васильева, Афанасий Попов, Алена Колодезникова уо.д.а. эттилэр.
Быыһыгар ырыанан эҕэрдэлээтилэр. «Оһуокай» түмсүү салайааччыта, үтүөлээх этээччи Иван Иванов бүгүҥҥү оһуокай саамай саастаах ыалдьытыгар, Дьааҥы улууһуттан төрүттээх, 89 саастаах Петр Петрович Слепцовка улар туттарда.
Хаартыскаҕа ааптар түһэриитэ
-
8
-
1
-
0
-
0
-
0
-
0
