Мунньахха миниистири солбуйааччы Прокопий Николаев кыттыыны ылла. Мунньах кыттыылаахтара бастатан туран, Тыа хаһаайыстыбатын уонна ас-үөл бэлиитикэтин министиэристибэтин Бэтэрээннэрин сэбиэтин 1999 с. оҥоһуллубут Устаабыгар федеральнай уонна өрөспүүбүлүкэтээҕи сокуоннарга сөп түбэһиннэрэн киллэриллибит уларытыылары өйүүллэрин биллэрдилэр. Иккиһинэн, салалта уорганын таллылар. Ол курдук,12 киһилээх Бэтэрээннэр сэбиэттэрин уонна 4 киһилээх хонтуруоллуур-эрэбиисийэлиир хамыыһыйа саҥа састааптара талылынна.
Тыа хаһаайыстыбатын уонна ас-үөл бэлиитикэтин министиэристибэтин Бэтэрээннэрин сэбиэтин бэрэссэдээтэлинэн Саха Өрөспүүбүлүкэтин норуотун хаһаайыстыбатын үтүөлээх үлэһитэ, Степан Аржаков аатынан Судаарыстыбаннай бириэмийэ лауреата, өр сылларга министиэристибэҕэ Астыыр-таҥастыыр бырамыысыланнас департаменын салайааччынан таһаарыылаахтык үлэлээбит-хамсаабыт Розаида Петровна Гудуева биир санаанан талылынна.
Хаартыска: Анна Сергучева.
-
0
-
0
-
0
-
0
-
0
-
0
