Навигация саҕаланыытыгар «Саха Сирин поруомнара» альянс 8 поруома уонна «АЯМ» түмсүүтүн 3 таһаҕаһы тиэйэр поруома тахсыаҕа. Көмүөл мууһа барбытын кэнниттэн билигин поруом тохтуур сирин бэлэмнии сылдьаллар. Дьон айанныырыгар табыгастаах буоллун диэн уонна өр кэтэһэн турбат туһугар кэтэһэр былаһааккаҕа балаһа ахсаанын элбэтэн биэрдилэр. Дьокуускай өттүгэр икки балаһа, Аллараа Бэстээххэ үс балаһа эбилиннэ. Онон тырааныспар мустарыгар миэстэ эбиллэн, уочарат аҕыйыа.
Массыына өрүһү туоруур айанын төлөбүрүн төлүүргэ кытылга стационарнай терминаллары туруоруохтара, ону таһынан, «Саха Сирин поруомнара» мобильнай сыһыарыыны салгыы сайыннараллар.
Күн бүгүн Амма–Бөтүҥ, Кириэстээх–Мииринэй, Ньурба-Күндээдэ, Сунтаар –Уустуйа, Хачыкаат-Мохсоҕоллоох, Үөһээ Бүлүү-Хоро, Мэҥэ Алдан -Кэскил хайысхатынан поруомнар сылдьа тураллар.
Бэс ыйын 1 күнүттэн Кангалаас – Суотту, Уус Маайа –Элдьикээн икки ардыгар поруомнар сылдьыахтара.
Манна даҕатан эттэххэ, устар аал сырыыта хаһан саҕаланара причал төһө бэлэмиттэн, өрүс гидрологическай туругуттан тутулуктаах диэн СӨ Тырааныспарга уонна суол хаһаайыстыбатыгар министиэристибэ чуолкайдыыр.
Хаартыска Андрей Сорокин, ЯСИА.
-
2
-
0
-
0
-
0
-
0
-
1
