«Биир ньыгыл Арассыыйа» баартыйа приемнайын салайааччыта, Ил Түмэн хотугу сир төрүт олохтоох айыах ахсааннаах омуктарын буоппуруостарыгар уонна Аартыка дьыалаларыгар бэрэссэдээтэлэ Елена Голомарева сийиэс түмүгүнэн кэмэнтээрийигэр Норуодунай бырагыраама суолтатын бэлиэтээтэ. Бу хайысхаҕа боростуой дьон накаастара бырагыраама төрүтэ буолбуттарын, онон өссө ордук көдьүүстээх уонна туруктаах буолла диэн эттэ уонна 54 тыһ өрөспүүбүлүкэ олохтоохторо саҥа кыбартыыраҕа көспүттэрэ ону туоһулуурун холобурдаата.
-Ону тэҥэ, дьиэ тутуутугар өлүү чаастарын холбообут дьон албыҥҥа түбэһэн уустук кыһалҕаҕа ыллаттарбыттарын сөптөөхтүк ылынан, Ил Дархан Айсен Николаев быһаччы өйөөһүнэн федеральнай Пуонда бырагырааматыгар киллэрбиттэрэ туһугар дьон уустук балаһыанньаттан тахсалларыгар көмө буолла. Онон албыннаппыт дьон дьиэлэрэ (15 эбийиэк) сүрүннээн тутуллан үлэҕэ киирдэ. Хоту сиргэ каадыр тиийбэтин кыһалҕата үгүс ыарахаттары үөскэтэрин билэҕит. Ону быһаарарга туһуламмыт «Земскэй дуоктар», «Земскэй учуутал» бырагыраамалар билигин уопсастыбаҕа улахан сэҥээриини ылан, ситиһиилээхтик олоххо киллэриллэ тураллар.
Владимир Путин бэлиэтээбитин курдук, Арассыыйа иһигэр сайдыы соруктара толоруллуохтара. Бастатан туран, демография уонна эрэгийиэннэргэ дьон олоҕун хаачыстыбатын тупсарыы хайысхатынан. Сийиэс кэмигэр баартыйа төрүт олохтоох аҕыйах ахсааннаах омуктар бырааптарын көмүскээһиҥҥэ судаарыстыбаннай насыанаалынай бэлиитикэни тутуһарын туһунан бигэргэтиитэ биир боччумнаах, сиэрдээх быһаарыы диэн сыаналыыбын. Ону кытта “Азия оҕолоро” федеральнай бырайыак биир сүрүн ситиһиитинэн буолар. Төрүт олохтоох аҕыйах ахсааннаах хотугу омуктар Аартыка зонатыгар төрүт хаһаайыстыбаннай дьарыктарын судаарыстыба өттүттэн өйөөһүн бырагыраамата уонна сокуоннарга киирбит уларыйыыларынан төрүт олохтоох норуоттар сайаапката суох балыктыыр бырааптаналларын билинии – бу барыта биир дьаныардаах үлэни салҕааһын, бириинсиби тутуһуу буолар. Көс олохтоох дьахталлар үлэлиир бырааптарын көмүскүүр соруктаах “Көс дьиэ үлэһитэ” саҥа үлэ функцията бигэргэннэ, -диэн өрөспүүбүлүкэ парламенын дьокутаата Елена Христофоровна Голомарева бэлиэтиир.
Хаартыска Василий Кононов (Ил Түмэн) түһэриитэ
-
0
-
0
-
0
-
0
-
0
-
0
