Саха Сирэ ол иһигэр эмиэ тэҥҥэ киирсэн, бу балайда уларытыллыбыт сокуону күннээҕи олоххо тутуһан, ордук боломуочуйалары тыырыы, олохтоох былаас бэрэстэбиитэллэрин талыы өттүгэр кыралаан киллэрэн иһэр. Ол курдук, бэс ыйын 24 күнүгэр Нерюнгри оройуонун бэрэстэбиитэллээх уорганын дьокутааттарын куоластааһынынан оройуон баһылыгынан Максим Терещенко талыллыбыта.
Оттон бэс ыйын 30 күнүгэр, Үөһээ Бүлүү улууһун Маҥаас нэһилиэгэр Арассыыйа Федерациятын публичнай былааһы тэрийии уопсай бириинсиптэрин туһунан саҥа, 33 №-дээх Федеральнай сокуоҥҥа олоҕуран, саҥа баһылыгы таллылар.
Нэһилиэк Сэбиэтин уочарата суох сиэссийэтин түмүгүнэн, дьокутааттар биир санаанан Күннэй Николаевна Дьячковская кандидатуратын өйөөтүлэр уонна кинини биэс сыл болдьоххо баһылык солотугар анаатылар.
Бу быһаарыы улуус бүттүүнүгэр олус суолталаах. Маҥаас нэһилиэгэ оройуоҥҥа бастакынан баһылыктары талыы саҥа механизмыгар көстө, ол олохтоох бэйэни салайыныы устуоруйатыгар саҥа кэрдиис кэми арыйар.
Улуус баһылыга Валерий Николаев саҥы баһылыкка, Күннэй Дьячковская эппиэтинэстээх үлэтигэр ситиһиилэри, чэгиэн доруобуйаны уонна нэһилиэк туһугар туруоруммут сыалларын ситиһэригэр баҕа санаатын эттэ диэн Саха сирэ саайтыгар таһаарда.
Хаартыска Саха сирэ саайтан
-
0
-
0
-
0
-
0
-
0
-
0
