Ситиһиилээх Кэбээйи күрэсчиттэрэ бу күн хас биир нэһилиэк бэлэхтээбит 12 сылгытын тутан үөрүүлэрэ улаатта. Ону кытта, Кэбээйи улууһун дьаһалтатыттан 500 тыһ солк харчыны туттулар. Улуус урбаанньыттара чулуу уолаттарыгар туттарбыт 100 тыһ солк харчылара эмиэ үтүө санаа бэлиэтинэн буолла. Яков Дмитриев эбии таба бэлэҕи тута үөрдэ-көттө.
Үөрүүлээх чиэстээһин кэмигэр өссө биир долгутуулаах түгэн буолла - Яков Дмитриевкэ Саха Сирин успуордун маастара аата иҥэрилиннэ. Бу икки чулуу күрэсчити иитэн, бэлэмнээн таһаарбыт Кэбээйи улууһун Мастаах сэлиэнньэтин физкултуураҕа учууталыгар Николай Ивановка Кэбээйи улууһун бочуоттаах олохтооҕо үрдүк аата иҥэрилиннэ.
Дыгын оонньууларын кыайыылаахтарын үөрүүлээхтик чиэстээһин улуус бары олохтоохторун, олохтоох былааһы уонна успуорт уопсастыбаннаһын түмтэ. Кэбээйи улууһа чөмпүйүөннэринэн киэн туттар уонна салгыы кинилэри өйүүргэ бэлэм.
Хаартыскалар ulus.media/author/mikhailov-sergey10/саайтыттан
-
3
-
0
-
0
-
0
-
0
-
0
