Бүгүн өрөспүүбүлүкэбит Ил Дархана Айсен Николаев бу бэлиэ күнүнэн эҕэрдэтигэр Саха Сиригэр дьиэ кэргэн үгэс курдук судаарыстыба сүрүн тирэҕэ буоларын, күүһү-уоҕу биэрэр уонна үйэлээх үтүө үгэстэри харыстыыр, араҥаччылыыр аналлааҕын бэлиэтээтэ. Билигин элбэх омук олохсуйбут Сахабыт Сиригэр 130 омук или-эйэни тутуһан, үлэлээн, айан-тутан дьиэ кэргэн алаһатын тула түмсэллэр, хатыламмат култуураларын харыстаан, өбүгэ үгэһин, муудараһын көлүөнэттэн көлүөнэҕэ биэрэллэр диэтэ.
Дьиэ кэргэн, таптал уонна бэриниилээх буолуу күнүгэр чугас дьоҥҥутугар болҕомтото ууруҥ, махтал үтүө тылларын анааҥ диэн Айсен Сергеевич бары дьиэ кэргэн алаһа дьиэлэригэр үтүө санаа олохсуйдун, нус-хас олох иилээтин уонна оҕо саҥата чугдаардын диэн баҕа санаатын биллэрдэ, эҕэрдэлээтэ.
Хаартыска Саха.гов.ру
-
1
-
0
-
0
-
0
-
0
-
0
