Мунньах сүрүн тиэмэтинэн эниэргийэ сөргүтүллэр источниктарыгар олоҕуран генерация сайдыытын, бу эйгэҕэ технологическай суверенитеты хааччыйыыны уонна эниэргийэни хаһааныы систиэмэтин туһаныыны дьүүллэстилэр. Тэрээһиҥҥэ Арассыыйа Энэргиэтикэҕэ министиэристибэтэ, Арассыыйа Бырамыысыланнаска министиэристибэтэ, “Совет рынка НП” ассоциация, Сөргүтүллэр энэргиэтикэ сайдыытын ассоциацията”, РусГидро” ПАУо, “Росатом Сөргүтүллэр эниэргийэ “уонна “Хевел” ГК бэрэстэбиитэллэрэ кытыннылар.
Мунньаҕы саҕалыырыгар Айсен Николаев РФ Бэрэсидьиэнэ Владимир Путины кытта хамыыһыйа үлэтин дьүүллэспитин кэпсээтэ. Бэрэсидьиэн вице-премьер Александр Новакка энэргиэтикэҕэ саҥа технологиялары киллэриини өйүүргэ сорудахтаабыт. Мунньах түмүгүнэн Айсен Сергеевич быһаарбытынан, кэпсэтии таас чоҕунан үлэлиир уот ыстаансыйаларын муҥутуур тыҥааһыннаах параметрдарыттан «муҥутуур» киритиичэскэйгэ көһүүлэрин бырайыагын ааттаата, бу көдьүүһү 50 % тахсаҕа үрдэтиэхтээх.
Айсен Николаев ВИЭ (сөргүтүллэр эниэргийэ) оҥоруу аан дойдуга сайдарын бэлиэтээтэ. Күн уонна тыал көмөтүнэн генерация эбийиэктэрин олохтоммут кыамтата бүгүн 7,4 ГВт – дойду уот ыстаансыйаларын олохтоммут кыамтатыттан 2,7 % 2042 сылга диэри уот энэргиэтикэтин эбийиэктэрин Генеральнай схематынан күн уонна тыал күүһүнэн үлэлиир уот ыстаансыйаларын кыамтата 7,3 % диэри улаатыаҕа.
Хамыыһыйа бэрэссэдээтэлэ ВИЭ тутаах соругунан көдьүүһү үрдэтиини уонна оборудованиены оҥорон таһаарыыга бэйэ кыаҕын сайыннарыыны ааттаата. Эниэргийэни мунньуу систиэмэтин (СНЭ) туһаныыга болҕомто туһаайылынна. Соҕурууҥҥу холбоһуктаах уот систиэмэтигэр уот тиийбэтин сабыыга үс эбийиэги тутуохтара: Кырыымҥа – 100 МВт диэри, Краснодарскай кыраайга – 100 уона 150 МВт.
Тэйиччи сытар сирдэргэ-уоттарга ойуччу (локальнай) энэргиэтикэни сайыннарыыга Айсен Николаев Саха Өрөспүүбүлүкэтин холобурдаата. Манна ВИЭ-ны туһанан дизельнэй генерацияны саҥардыы 72 бырайыага олоххо киирэр. 2021-2025 сс. РусГидро бөлөҕүн уонна “КРДВ”АУо көмөлөрүнэн өрөспүүбүлүкэҕэ 35,7 МВТ кыамталаах 14 гибриднэй күн уотун-дизельнэй уот ыстаансыйатын олоххо киллэриллибит. Быйыл үс автоматизированнай гибриднэй комплекс киириэҕэ.
Мунньах туһунан кэпсииригэр, Айсен Николаев Арассыыйаҕа сөргүтүллэр энэргиэтикэ эйгэтигэр кыахтаах технологическай үлэ барарын эттэ. Кини этэринэн, бүгүн тутаах соругунан – оборудованиеҕа биирдиилээн оҥоһуктартан маассабай, сиэрийэнэн оҥорон таһаарыыга киирии буолар.
Хаартыска Саха.гов.ру
-
0
-
0
-
0
-
0
-
0
-
0
