Тыа хаһаайыстыбатын уонна ас-үөл бэлиитикэтин министиэристибэтин чахчытынан, билиҥҥи туругунан, 1596,2 гектардаах бааһына үүнүүтэ, ол эбэтэр ыһыы сирин 15 %-а быһыллыбыт. Баалабайынан 1 376 туонна бурдук хомуллубут, биир гектартан ортотунан 8,6 сэнтиниэр хомуллубут.
Маны таһынан 771,44 гектардаах бааһынаттан 8 697,6 туонна хортуоппуй, 164,23 гектар бааһынаттан 3 241 туонна араас оҕуруот аһа хомуллубут.
Баччаларга хас биирдии күн былдьаһык, ол иһин хаһаайыстыбаларга атын тэрилтэлэр үлэһиттэрэ көмөлөһөр үгэстэхтээр. Холобур, Ороссолуодатааҕы сортобуой учаастакка бэйэлэрин баҕа өттүлэринэн «Упрастмелиоводхоз», «Росагрохим» уонна «Россельхозкиинр» тэритэлэр үлэһиттэрэ кэлэн, субуотунньуктаатылар. 1995 сылтан үлэиир Ороссолуодатааҕы сортобуой учаастак хортуоппуй оройуоннаммыт суортарын таһаарыыга идэтийэн үлэлиир соҕотох киин буолар. Сыллата 60-70 суорду үүннэрэн чинчийэр, улуустарга тарҕатар диэн Тыа хаһаайыстыбатын уонна ас-үөл бэлиитикэтин министиэристибэтин пресс-киинэ суруйар.
Хаартыска: Тыа хаһаайыстыбатын уонна ас-үөл бэлиитикэтин министиэристибэтин саайта.
-
0
-
0
-
0
-
0
-
0
-
0
