Итинэн сыллааҕы былаан 87,6 % толоруллубут. Былырыыҥҥы сыл туһааннаах кэмигэр 47 797 туонна үүт туттарыллыбытын кытары тэҥнээтэххэ, көрдөрүү 15,6 туоннанан тупсарыллыбыт.
Саха Өрөспүүбүлүкэтин социальнай-экэнэмиичэскэй сайдыытын бырагырааматын чэрчитинэн, быйыл 65 761 туонна үүтү тутан астыыр былаан ылыллаан, 4,6 миллиард солкуобай суумалаах субвенция бигэргэммититтэн 3,7 миллиард солкуобай харчы көрүллүбүтэ. Билиҥҥи туругунан, муниципальнай уонна куораттааҕы уокуруктарга 3 миллиард 217 мөлүйүөн солкуобай харчы тиэрдиллибит, ити сыллааҕы үбүлээһин кээмэйин 86 %-а.
Санатан эттэххэ, былырыын былаан 101,7 %-ынан толоруллан, 63 356 туонна үүт соҕотуопкаламмыта, оттон 2024 сыллаахха 59 849 туонна үүт тутуллан астаммыта. Тыа хаһаайыстыбатын кэккэ боломуочуйалара бэриллиэҕиттэн киин, илин эҥээр уонна Бүлүү эргин улуустар үүккэ үлэлиири талбыттара, кэтэх ыаллар үүттэрин бааһынай хаһаайыстыбалар, кэпэрэтииптэр истэринэн туттараллар. Ол түмүгэр, үүт соҕотуопкатын көрдөрүүтэ улаатан иһэр.
-
0
-
0
-
0
-
0
-
0
-
0
