Бу хотон сүрүн уратытынан уонна улууска маҥнайгынан сылаас муосталаах буолуоҕа. Билигин тутааччылар систиэмэтин тардан, үрдүнэн бетон бүрүөһүнүн куппуттар. Тутуу хаамыытын Сунтаар улууһун баһылыга Анатолий Григорьев уонна тыа хаһаайыстыбатын управлениетын салайааччыта Владимир Анисимов көрдүлэр-иһиттилэр.
Тутууну ааспыт сылтан тэриллэн үлэлиир, «Тойкоп» кэпэрэтиип иилээн-саҕалаан ыытар. Билигин кинилэр нэһилиэнньэттэн хомуйан, 52 ынах сүөһүнү көрөн-истэн олороллор. Быйыл угут дьыл туран, оттооһун кэмэ уһаабытынан, тутуу үлэтигэр арыый хойутаан киирдилэр. Ол үрдүнэн, эдэр кэлэктиип туох баар күүһүн ууран, эбийиэги кэлэр ый бүтүүтэ түмүктээн үлэҕэ киллэрэр былааннаах. Тутууга 5 мөл. солк. харчы көрүллүбүтүнэн матырыйаал атыыласпыттар, оттон тутуутун кэпэрэтиип бэйэтин күүһүнэн быһаарар диэн Сунтаар улууһун дьаһалтатын пресс-сулууспата иһитиннэрэр.
Хаартыска: Тыа хаһаайыстыбатын уонна ас-үөл бэлиитикэтин министиристибэтин МАХ ханаала.
-
0
-
0
-
0
-
0
-
0
-
0
