Издательский дом Редакция Подписка
Погода в Якутске: . 20 oC

Лазарь Андреевич Афанасьев -- Тэрис Орто дойду олоҕуттан барбыта үс сыл буолла. Тэриһи саха дьоно өбүгэбит итэҕэлин үөрэтэн-чинчийэн, Айыы үөрэҕин таҥан оҥорбут учуонай, “Кут-сүр” кыһаны төрүттээбит түсчүт быһыытынан билэллэр уонна ытыгылыы саныыллар.

Лазарь Андреевич Афанасьев -- Тэрис Орто дойду олоҕуттан барбыта үс сыл буолла. Тэриһи саха дьоно өбүгэбит итэҕэлин үөрэтэн-чинчийэн, Айыы үөрэҕин таҥан оҥорбут учуонай, “Кут-сүр” кыһаны төрүттээбит түсчүт быһыытынан билэллэр уонна ытыгылыы саныыллар.

Лазарь Афанасьев Бүлүү куоракка 1952 сыллаахха тохсунньу 12 күнүгэр төрөөбүтэ. Аармыйа кэнниттэн болуотунньуктаабыта, учууталлаабыта, оройуон хаһыатыгар тылбаасчытынан үлэлээбитэ. Онтон 1983 сыллаахха СГУ саха тылын салаатын кэтэхтэн үөрэнэн бүтэрэн, Тыл, литэрэтиирэ уонна устуоруйа билимнэрин үнүстүтүүтүгэр үлэлии киирбитэ. Кини 1993 с. тыл билимигэр хандьытаат буолбута.

Санааны аһаҕастык этинэр кэм кэлбитигэр эдэр учуонай төрөөбүт норуотун духуобунай баайын сөргүтэр-тилиннэрэр үлэҕэ туруммута. Маҥнай өйдөөбөт, утарсар, сиилиир дьон даҕаны элбэҕэ. Тугу баалыаҥый, 70-ча сылы быһа хомуньууһум идиэйэтинэн олордохпут. Тэрис дьон сарсыҥҥы сырдык ырай олоххо эрэлин сүтэрэн, муммут-тэммит кэмигэр төрүт итэҕэлбит тирэх буолуоҕун өйдөөн, элбэхтик хасыһан, ырытан Айыы үөрэҕин таҥан, сааһылаан оҥорбута.

Лазарь Афанасьевы саха биир духуобунай лиидэринэн билинэн, 2000 сыллаахха  “Саха кэскилэ” уопсастыбаннай хамсааһын бэрэссэдээтэлинэн талбыттара. Тэрис 20-тэн тахса кинигэни таһааттарбыта. Онтон үксэ Айыы үөрэҕэр, Айыы сиэригэр анаммыт үлэ. Эдэригэр суруйар-айар үлэҕэ ылсан испитэ, 1998 сыллаахха  Суруйааччылар сойуустарыгар ылыллыбыта.

Тэрис тэрийбитэ, төрүттээбитэ салҕанар. Кини биһиги кэккэбититтэн туораабыта үс сыла туолуутугар түбэһэ Ил Дархаммыт Айсен Николаев Ил Түмэҥҥэ Анал этиитигэр Дьокуускай куоракка саха омук духуобунай киинин туттарарга эрэннэрэн, эрэл кыымын күөртээтэ. Олоххо киирдэр ханнык. Хаһааҥҥа диэри аһаҕас халлаан анныгар сылдьыахпытый?  Оннооҕор буолуохтар туораттан кэлэннэр, таас хараамнары тутталлар...

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением