Үлэ миниистирин бастакы солбуйааччы Алексей Вовченко дьокутааттарга быһаарбытынан, туһааннаах докумуон үлэһиттэргэ куттал суох буолуутун хааччыйар саҥа сыһыаны үөскэтэр уонна үлэ култууратын таһымын үрдэтэр тосхоллоох. РФ Үлэ кодексын “Үлэ көмүскэлэ” диэн X раздела саҥалыы эрэдээксийэлэннэ.
“Үлэ куттала суох буолуутун хааччыйыыга икки принцип олохтонор: ыарыыттан сэрэтии уонна үлэһит этигэр-хааныгар охсуу ыларын кыччатыы”, -- диир миниистири солбуйааччы. Ону тэҥэ сокуон барыла силиэстийэ дьайыытын саҥалыы сөргүтэри уонна кыра эчэйиилэри кистээһини туоратар инниттэн үлэҕэ оһоллонууну учуоттууру көрөр.
Судаарыстыба бэлиитикэтэ үлэ көмүскэлигэр саҥа хайысханан эбилиннэ – ол идэлэри сыаналааһыҥҥа уонна салайыыга төрүттэри оҥоруу. Үлэ көмүскэлин эйгэтигэр докумуоннары электроннайга көһөрүүгэ суол арыллар. Оттон үлэ куттала суох буолуутун хонтуруоллааһын тэйиччиттэн ыытыллар кыахтаныа.
- 0
- 0
- 0
- 0
- 0
- 0