Бу испииһэк аҕыйах ахсааннаах төрүт норуоттар бырааптарын олоххо киллэрэр туһугар оҥоһуллубут. Ол курдук тустаах киһи бу испииһэккэ киирдэҕинэ, судаарыстыбаннай өйөбүл ылар туһуттан хас сырыы аайы аҕыйах ахсааннаах төрүт норуотун бэрэстэбиитэлэ буоларын дакаастыыр докумуону көрдөрөрө наадата суох буолар.
От ыйын 26 күнүнээҕи туругунан аҕыйах ахсааннаах төрүт норуоттар биир кэлим испииһэктэригэр киллэрэр туһунан сайаапканы 626 өрөспүүбүлүкэ олохтооҕо биэрбит. Ол туһунан Аҕыйах ахсааннаах хотугу норуоттар ассоциацияларын пресс-сулууспата иһитиннэрэр.
Элбэх функцияны толорор киин нөҥүө сайабылыанньаны бэс ыйын 18 күнүттэн ылан саҕалаабыттар. Бу иннинэ өрөспүүбүлүкэ олохтоохторо докумуоннарын Омуктар дьыалаларыгар федеральнай ааҕыныстыба пуочтанан ыыталлара.
Ол курдук, бэс ыйыгар 300 Саха сирин олохтооҕо аҕыйах ахсааннаах төрүт норуоттар биир кэлим испииһэктэригэр регистрацияламмыт. Билигин өрөспүүбүлүкэҕэ уопсайа 40 тыһыынча курдук аҕыйах ахсааннаах хотугу норуот бэрэстэбиитэлэ олорор. Кинилэргэ эбээннэр, эбэҥкилэр, долганнар, чукчалар уонна юкагирдар киирсэллэр.
-
0
-
0
-
0
-
0
-
0
-
0
