Сүгүн олордубат, сытыарбат, оттоппот, сир аһын хомуйтарбат буоллулар. Көтө сылдьар «вампирдартан» туох харыстыырый, көмөлөһөрүй? Ааҕааччыларбытыгар анаан, Интэриниэт ситимигэр тарҕанар норуот сүбэлэрин хомуйан биэрэбит.
- Гвоздика арыыта. Аптекаҕа сыаната 78 солк. Гвоздика — ураты сыттаах-сымардаах дьикти үүнээйи. Парфюмернай бырамыысыланнаска, кулинарияҕа туһанылларын таһынан, норуот сүбэтинэн, хаан иһэр үөнтэн-көйүүртэн харыстыыр;
Ванилин. Мас арыытыгар ванилины булкуйан оҥоһуллубут маас абырыыр дииллэр. Маҕаһыыҥҥа ванилин сыаната 36 солк. - Оҕо кремигэр булкуйар өссө ордук үһү, - диэн бассаапка эбэн биэрдилэр;
Сэлээркэ. Бу ньыманы туһанары сүбэлээбэппит - киһи тириитин хатарар, бааһырдар, доруобуйаҕа буортулаах;
«Павловскай сетката». Сетка анал булкаһык суурадаһын састаап иҥэмтиэлээх, хаан иһэр үөнү-көйүүрү чугаһаппат уратылаах. Сыаната 300 солк.;
Дэйбиир. Саха былыргы сэбэ-сэбиргэлэ, үөнү-көйүүрү, оҥоойуну үргүтэргэ, эбиитин куйааска сөрүүкүүргэ уонна итэҕэл сиэригэр-туомугар туттуллар.
Ыйыллыбыт уопсай сүбэлэри туһаныаххытын сөп. Бассаап сүбэлэрэ көмөлөһүөхтэрэ, бар дьон үтүө тыллара туһалыахтара диэн эрэнэбит.
- 1
- 0
- 0
- 0
- 0
- 0