Докумуон Роспотребнадзор Саха сиринээҕи управлениетын саайтыгар тахсыбыт.
«Дьиэттэн олорон, үлэни киллэриини, үлэ хосторун кондиционерынан хааччыйааһыны, салгыны сиигирдиини уонна ыраастааһыны, харыстанар сириэстибэлэринэн хааччыйыыны сүбэлиибит. Салгыҥҥа үлэлиир дьон үлэлиир кэмнэрин кыччатыллыахтаах, сынньалаҥ кэмнэрин уһатар уонна иһэр уунан хааччыйар наада» диэн дьаһалга суруллубут.
Ойуур баһаара туруоҕуттан өрөспүүбүлүкэ 12 улууһун 34 нэһилиэнньэлээх пуунун уонна Дьокуускай куорат 3036 салгынын боруобатын ылан чинчийбиттэр. Буортулаах эттиктэр көрдөрүүлэрин үрдүгэ 569 боруобаҕа көстүбүт.
Бу нэдиэлэҕэ Дьокуускайга уонна өрөспүүбүлүкэ 6 улууһугар буруо хойдон, буортулаах эттиктэрин көрдөрүүтэ үрдээбитэ биллибит.
Ойуур баһаара туруоҕуттан буруоттан доруобуйалара мөлтөөбүтүнэн эмп тэрилтэлэригэр 727 киһи көрдөрбүт, 40 киһини балыыһаҕа киллэрбиттэр. Аҥаардас бу нэдиэлэҕэ 187 киһи тыынар уорганнара эмсэҕэлээн, балыыһаҕа көрдөрбүт.
-
0
-
0
-
0
-
0
-
0
-
0
