Атырдьах ыйын 17 күнүттэн «Дьокуускай» аэропорт сөмөлүөтү көтүтэр уонна олордор 3250 м. уһуннаах балаһата уонна ИКАО бастакы категориятыгар эппиэттиир уотунан тыктарар оборудованиета сэртипикээттээһини ааһан үлэлээтилэр.
Сэртипикээттээһини РФ Бэрэсидьиэнэ Владимир Путин сорудаҕынан Росавиация уонна Ростехнадзор түргэнник ыыттылар. Ол курдук, бу күнтэн Дьокуускай куорат аэропорда ханнык баҕарар көтөр ааллары, ол иһигэр "Бе-200" уонна "Ил-76" олордуон сөп.
«Дойду баһылыга Владимир Путиҥҥа аэропорт балаһатын сэртипикээттээһинэ түргэнник ыытыллыбытыгар махтанабын. Росавиацияҕа, Ростехнадзорга уонна РФ Ыксаллаах быһыыга-майгыга министиэристибэтигэр биир сүбэлээх үлэбит иһин улахан махталбын тиэрдэбин. Бүгүҥҥүттэн биһиги аэропорпут ханнык баҕарар улахан көтөр ааллары олордор уонна көтүтэр кыахтаах. Ойуур баһаарын кытары охсуһуубутугар көмөлөһүөҕэ», -- диэтэ Ил Дархан Айсен Николаев.
Буруонан көтүппэтэх рейстэрин бэрээдэгинэн аттаран көтүтэн саҕалыахтара. Бу боппуруос СӨ Тырааныспарка уонна суол хаһаайыстыбатын министиэристибэтин хонтуруолугар тутуллар.
-
0
-
0
-
0
-
0
-
0
-
0
