Алтынньы 2 күнүттэн Шереметьев аатынан салгын пуордуттан Дьокуускайга диэри «Аэрофлот» авиа-хампаанньа Boeing 737-800 сөмөлүөтүнэн күн ахсын (өрөбүлтэн ураты) рейс оҥоруоҕа. Ол туһунан «Дьокуускай» салгын пуордун пресс-сулууспата иһитиннэрэр.
Сөмөлүөт Москваттан Дьокуускайга сарсыарда 8 чаас 10 мүнүүтэҕэ түһэр уонна 9 чаас 30 мүнүүтэҕэ төттөрү көтөр. Кыһын рейс эрэсиимэ уларыйар – сарсыарда 6 чааска көтөн кэлэр, 7 чаас 20 мүнүүтэҕэ төттөрү көтөр.
Санатар буоллахха, «S7» авиа-хампаанньа Дьокуускай-Москва хайысханан күннэтэ быһа сырыылары балаҕан ыйын 20 күнүттэн оҥорорго былаанныыр.
Ону таһынан алтынньы 4 күнүттэн Москваҕа диэри рейстэри «Северный ветер» авиа-хампаанньа эмиэ оҥорор буолуоҕа. Хампаанньа сөмөлүөттэрэ хас бэнидиэнньик, сэрэдэ уонна бээтинсэ аайы көтүөхтэрэ.
«S7» авиа-хампаанньа балаҕан ыйын 20-с күннэриттэн Владивостокка сырыытын сөргүтүөҕэ – нэдиэлэҕэ иккитэ сөмөлүөт быһа көтөр буолуоҕа. «Аврора» авиа-хампаанньа балаҕан ыйын 8 күнүттэн «Хабаровскай-Дьокуускай-Хабаровскай» рейстэри "Аirbus A319" сөмөлүөтүнэн оҥорор буолуоҕа – бэнидиэнньиккэ, сэрэдэҕэ уонна субботаҕа.
-
0
-
0
-
0
-
0
-
0
-
0
